சிரியாவில் இருந்து 75 இந்தியர்கள் மீட்பு: விரைவில் நாடு திரும்ப ஏற்பாடு

டமாஸ்கஸ்: சிரி​யா​வில் அதிபர் பஷார் அல் ஆசாத்​துக்கு எதிராக கிளர்ச்​சி​யாளர்கள் பல ஆண்டு​களாக வன்முறை​யில் ஈடுபட்டு வந்தனர். இந்நிலை​யில், கடந்த 2 வாரங்​களாக ஒவ்வொரு முக்கிய நகராக கிளர்ச்​சி​யாளர்கள் கைப்​பற்றி வந்தனர்.

பின்னர் தீவிர தாக்​குதல் மூலம் கடந்த ஞாயிற்றுக்​கிழமை தலைநகர் டமாஸ்கஸை கைப்​பற்றினர். அதற்கு முன்னதாக அதிபர் ஆசாத் தப்பியோடி​னார். அவர் ரஷ்யா​வில் தஞ்சம் அடைந்​துள்ளார்.

ஹயத் தஹ்ரீர் அல் ஷாம் குழு​வைச் சேர்ந்த கிளர்ச்​சி​யாளர்கள் தற்போது அதிபர் மாளிகை உட்பட டமாஸ்கஸ் நகரை தங்கள் கட்டுப்​பாட்டுக்​குள் கொண்டு வந்துள்ளனர். இதையடுத்து முகமது அல் பஷீர் என்பவரை தற்காலிக பிரதமராக கிளர்ச்​சி​யாளர்கள் நியமித்​துள்ளனர். வரும் மார்ச் 1-ம் தேதி வரை அவர் பிரதமராக பதவி வகிக்க கேட்டுக் கொள்​ளப்​பட்​டுள்​ளார். முகமது அல் பஷீர் பிரதமர் பொறுப்​பேற்​றவுடன் அல் ஜசீரா தொலைக்​காட்​சிக்கு அளித்த பேட்​டி​யில், “சிரி​யா​வில் ஸ்திரத்​தன்மை மற்றும் அமைதியை நிலைநாட்ட ஒத்துழைக்க வேண்​டும்” என்று வேண்​டு​கோள் விடுத்​துள்ளார்.

இந்நிலை​யில், போர் சூழல் நிலவுவதால் சிரி​யா​வில் தங்கி​யுள்ள இந்தி​யர்கள் 75 பேரை மத்திய வெளி​யுறவுத் துறை அதிகாரிகள் மீட்​டுள்​ளனர். அவர்கள் சிரி​யா​வில் இருந்து லெபனான் வழியாக பாது​காப்பாக அழைத்துச் செல்​லப்​பட்​டுள்​ளனர். விரை​வில் விமானத்​தில் அவர்கள் இந்தியா​வுக்கு அனுப்பி வைக்​கப்​படு​வார்கள் என்று மத்திய வெளி​யுறவுத் துறை அமைச்​சகம் நேற்று தெரி​வித்​தது. மீட்​கப்​பட்ட 75 பேரில் ஜம்மு காஷ்மீரை சேர்ந்த 44 புனித யாத்​ரீகர்​கள், சிரி​யா​வின் சைதா ஜெய்​நாப் பகுதி​யில் சிக்கி தவித்​தனர். இந்திய தூதரகம் மூலம் தகவல் அறிந்து அவர்கள் மீட்​கப்​பட்​டனர் என்று வெளி​யுறவுத் துறை தெரி​வித்​துள்ளது.

மேலும், சிரியாவின் டமாஸ்​கஸ், லெபனானின் பெய்​ரூட் ஆகிய இடங்​களில் உள்ள இந்தியதூதரகத்​தின் மூலம் தேவையான உதவிகள் செய்ய மத்திய அரசு உத்தர​விட்​டுள்​ளது. இந்தி​யர்கள் சிலர் சிரி​யா​வில் இருந்து நாடு திரும்ப மறுத்​துள்ளனர். அவர்​களுக்கு எந்த உதவி தேவைப்​பட்​டாலும், இந்திய தூதரகத்​தின் அவசர உதவி எண் +963 993385973 என்ற தொலைபேசி எண், வாட்ஸ் அப் மற்றும் hoc.damascus@mea.gov.in என்ற இ-மெயில் மூலம் தொடர்பு கொள்ளலாம் என்று அறிவுறுத்​தப்​பட்​டுள்​ளது.