சொத்​தின் மதிப்பை அடிக்​கடி உயர்த்​தும் முடிவை கைவிட ஜி.கே.​வாசன் வலி​யுறுத்​தல்

சென்னை: சொத்​தின் மதிப்பை அடிக்​கடி உயர்த்​தும் முடிவை தமிழக அரசு கைவிட வேண்​டும் என்று தமிழ் மாநில காங்​கிரஸ் தலை​வர் ஜி.கே.​வாசன் தெரி​வித்​துள்​ளார்.

இதுகுறித்து அவர் நேற்று வெளி​யிட்ட அறிக்​கை​யில் கூறி​யிருப்​ப​தாவது: தமிழக அரசு கடந்த இரண்டு ஆண்​டு​களில் சொத்து மதிப்பை 50 சதவீதம் முதல் 60 சதவீதம் வரை உயர்த்​தி​யுள்​ளது. புதி​தாக உரு​வாக்​க​வுள்ள மனைப்​பிரிவு மதிப்பு நிர்​ண​யம் செய்​வதற்​காக மாவட்ட பதி​வாளார் அலு​வல​கத்​துக்கு மனு அனுப்​பி​னால், மனைப் பிரிவுக்கு மதிப்பு நிர்​ண​யம் செய்ய உள்ள சர்வே எண்​ணைச் சுற்​றி​யுள்ள மதிப்​பில் எது அதி​கப்​பட்ச மதிப்பு உள்​ளதோ அதன் அடிப்​படை​யில் மதிப்பு நிர்​ண​யம் செய்து கொடுப்​பது நடை​முறை​யில் உள்​ளது.

ஆனால், ஏற்​கெனவே வழி​காட்டி மதிப்பை 50 சதவீதம் முதல் 60 சதவீதம் வரை உயர்த்​தி​யுள்ள நிலை​யில், மீண்​டும் மாவட்​டப் பதி​வாளர் நிர்​ண​யம் செய்ய வேண்​டிய மதிப்​பில் இருந்து மேலும் 30 சதவீதம் முதல் 50 சதவீதம் வரை சேர்த்து அதி​கபட்​ச​மாக மதிப்பு நிர்​ண​யம் செய்து வழங்​கப்​படு​கிறது. இதனால் ஏழை, நடுத்தர மக்​களின் கனவு நிறைவேறாமல் போகிறது.

சொத்து மதிப்பை மீண்​டும் மீண்​டும் அதி​கப்​படுத்​து​வ​தால் மக்​களுக்கு சுமை கூடு​கிறது. மேலும், இதனால் மக்​களுக்கு எந்த நன்​மை​யும் இல்​லை. ஆகவே, தமிழக அரசு சொத்​தின் மதிப்பை அடிக்​கடி உயர்த்​தும் முடிவைக் கைவிட வேண்​டும்​. இவ்​வாறு ஜி.கே. வாசன் தெரிவித்துள்ளார்.