1 முதல் 9ம் வகுப்பு மாணவர்களுக்கு கோடை விடுமுறை எப்போது? - பள்ளிக் கல்வி துறை அறிவிப்பு

சென்னை: தமிழக பள்ளிக் கல்வி பாடத்திட்டத்தில் பயிலும் மாணவர்களுக்கு கோடை விடுமுறை எப்போது தொடங்கும் அறிவிப்பு பள்ளிக் கல்வி துறையால் வெளியிடப்பட்டுள்ளது.

தமிழக பள்ளிக் கல்வி பாடத்திட்டத்தில் 1 முதல் 9-ஆம் வகுப்பு மாணவர்களுக்கான முழு ஆண்டு மற்றும் 3-ஆம் பருவத் தேர்வுகள் ஏப்.8-ம் தேதி தொடங்கி 24-ஆம் தேதி வரை நடத்தப்படும் என பள்ளிக்கல்வித் துறை தேர்வு அட்டவணை வெளியிட்டுள்ளது.

தேர்வு அட்டவணை

1ம் வகுப்பு முதல் 3ம் வகுப்பு வரை: ஏப்ரல் 15- தமிழ், ஏப்ரல் 16- மொழிப்பாடம், ஏப்ரல் 17- ஆங்கிலம், ஏப்ரல் 21- கணிதம்

4 மற்றும் 5ம் வகுப்பு: ஏப்ரல் 9- தமிழ், ஏப்ரல் 11- ஆங்கிலம், ஏப்ரல் 15- கணிதம், ஏப்ரல் 16- விருப்ப மொழி, ஏப்ரல் 17- சயின்ஸ், ஏப்ரல் 21- சமூக அறிவியல்.

அதேபோல 6 முதல் 9ம் வகுப்பு வரையிலான மாணவர்களுக்கும் ஏப்ரல் 8ம் தேதி தொடங்கி 24ம் தேதி வரை தேர்வுகள் நடைபெறுகிறது.

கோடை விடுமுைறையை பொருத்தவரை 1 முதல் 5ஆம் வகுப்புகளுக்கு ஏப்ரல் 22-ஆம் தேதி முதலும், 6 முதல் 9ஆம் வகுப்புகளுக்கு ஏப்ரல் 25-ஆம் தேதி முதல் விடுமுறை விடப்பட்டுள்ளது.

பிளஸ் 1, பிளஸ் 2 வகுப்பு மாணவர்களுக்கான பொதுத் தேர்வு கடந்த மார்ச் 3-ஆம் தேதி தொடங்கி நடைபெற்று வருகிறது. தொடர்ந்து பத்தாம் வகுப்புக்கான பொதுத் தேர்வு மார்ச் 28-ஆம் தேதி முதல் தொடங்கவுள்ளது குறிப்பிடத்தக்கது.