பயணிகள் கவனத்துக்கு: சென்னை மின்சார ரயில் சேவையில் 3 நாட்களுக்கு மாற்றம்

சென்னை: சென்ட்ரல் - கூடூர் மார்க்கத்தில், பொன்னேரி - கவரைப்பேட்டை ரயில் நிலையங்களுக்கு இடையே பொறியியல் பணி நடக்கவுள்ளதால், மின்சார ரயில் சேவையில் இன்று (பிப்.16) உட்பட 3 நாட்களுக்கு மாற்றம் செய்யப்பட உள்ளது.

சென்னை சென்ட்ரல் - சூலூர்பேட்டைக்கு பிப்.16, 19, 21 ஆகிய தேதிகளில் காலை 8.35, 10.15, நண்பகல் 12.10, மதியம் 1.05 ஆகிய நேரங்களில் இயக்கப்படும் மின்சார ரயில்கள் ரத்து செய்யப்பட உள்ளன.

சென்னை சென்ட்ரல் - கும்மிடிப்பூண்டிக்கு பிப்.16, 19, 21 ஆகிய தேதிகளில் 9.00, 9.30, 10.30, முற்பகல் 11.35 ஆகிய நேரங்களில் இயக்கப்படும் மின்சார ரயில்கள் ரத்து செய்யப்பட உள்ளன.

சென்னை கடற்கரை - கும்மிடிப்பூண்டிக்கு பிப்.16, 19, 21 ஆகிய தேதிகளில் காலை 9.40 மணி, நண்பகல் 12.40 ஆகிய நேரங்களில் இயக்கப்படும் மின்சார ரயில்கள் ரத்து செய்யப்பட உள்ளன.

சென்னை சென்ட்ரல் - ஆவடிக்கு பிப்.16, 19, 21 ஆகிய தேதிகளில் இரவு 11.40 மணிக்கு இயக்கப்படும் மின்சார ரயில், கும்மிடிப்பூண்டி - சென்னை கடற்கரைக்கு பிப்.16, 19, 21 ஆகிய தேதிகளில் காலை 10.55 மணிக்கு இயக்கப்படும் மின்சார ரயில் ரத்து செய்யப்பட உள்ளது.

கும்மிடிப்பூண்டி - சென்னை சென்ட்ரலுக்கு பிப்.16, 19, 21 ஆகிய தேதிகளில் 11.25, 12.00, மதியம் 1.00, பிற்பகல் 2.30 ஆகிய நேரங்களில் இயக்கப்படும் மின்சார ரயில்கள் ரத்து செய்யப்பட உள்ளன.

சூலூர்பேட்டை - சென்னை சென்ட்ரலுக்கு பிப்.16, 19, 21 ஆகிய தேதிகளில் பகல் 11.45, மதியம் 1.15, பிற்பகல் 3.10, இரவு 9.00 ஆகிய நேரங்களில் இயக்கப்படும் மின்சார ரயில்கள் ரத்து செய்யப்பட உள்ளன. மொத்தம் 23 மின்சார ரயில்கள் ரத்து செய்யப்பட உள்ளன.

பகுதி ரத்து: செங்கல்பட்டு - கும்மிடிப்பூண்டிக்கு பிப்.19, 21 ஆகிய தேதிகளில் காலை 9.55 மணிக்கு புறப்படும் மின்சார ரயில், சென்னை கடற்கரை - கும்மிடிப்பூண்டி இடையே பகுதி ரத்து செய்யப்பட உள்ளது.

கும்மிடிப்பூண்டி - தாம்பரத்துக்கு பிப்.19, 21 ஆகிய தேதிகளில் பிற்பகல் 3 மணிக்கு புறப்பட வேண்டிய மின்சார ரயில், கும்மிடிப்பூண்டி - சென்னை கடற்கரை இடையே பகுதி ரத்து செய்யப்பட உள்ளது.

ரத்து செய்யப்படும் மின்சார ரயில்களுக்கு பதிலாக, அதேநாட்களில், சென்னை சென்ட்ரலில் இருந்து பொன்னேரி, எண்ணூர், மீஞ்சூர் இடையே பாசஞ்சர் சிறப்பு ரயில்கள் இயக்கப்படும். இதுதவிர, சென்னை கடற்கரை- பொன்னேரிக்கு ஒரு பாசஞ்சர் சிறப்பு ரயில் இயக்கப்படும். இந்தத் தகவல் சென்னை ரயில்வே கோட்ட செய்திக்குறிப்பில் தெரிவிக்கப்பட்டுள்ளது.