100 நாள் திட்ட பயனாளிகளுக்கு நிலுவை ஊதியம் வழங்க வேண்டும்: பழனிசாமி வலியுறுத்தல்

சென்னை: தமிழகத்​தில் 100 நாள் வேலை திட்ட பயனாளி​களுக்கு வழங்க வேண்டிய 2 மாத நிலுவை சம்பளத்தை உடனடியாக வழங்க வேண்​டும் என்று அதிமுக பொதுச் ​செய​லா​ள​ரும் எதிர்க்​கட்​சித் தலைவருமான பழனிசாமி வலியுறுத்​தி​யுள்​ளார்.

இதுதொடர்பாக அவர் வெளி​யிட்ட அறிக்கை​யில் கூறி​யிருப்​ப​தாவது: மகாத்மா காந்தி தேசிய ஊரக வேலை உறுதித் திட்​டத்​தின்​கீழ் உள்ள 100 நாள் வேலை, 150 நாளாக உயர்த்​தப்​படும். சம்பளம் ரூ.300 ஆக உயர்த்தி வழங்​கப்​படும். 100 நாள் வேலை திட்டம் பேரூராட்​சிகளுக்​கும் விரிவுபடுத்​தப்​படும் என்று 2021 சட்டப்​பேர​வைத் தேர்​தலில் வாக்​குறுதி அளித்து ஆட்சிக்கு வந்த திமுக அரசு, இதுவரை இந்த வாக்​குறு​தியை நிறைவேற்ற எந்த நடவடிக்கை​யும் எடுக்க​வில்லை.

இத்திட்​டத்​தில் பணிபுரிபவர்கள் பெரும்​பாலும் கிராமங்​களில் வசிக்​கும் ஏழை, எளிய மக்கள். இந்த சம்பளத்தை நம்பியே அவர்கள் வாழ்க்கை நடத்தி வருகின்​றனர். இந்நிலை​யில், தமிழகம் முழு​வதும் கடந்த 2 மாதங்​களாக100 நாள் வேலை திட்​டத்​தில் பணிபுரிபவர்​களுக்கு வழங்க வேண்டியசம்பளத்தை, திமுக அரசு இன்றுவரை வழங்​க​வில்லை.

அதனால் பணம் இல்லாத நிலை​யில் இந்த ஆண்டு தைப் பொங்கல் கொண்டாட முடியாத சூழ்​நிலையை ஏற்படுத்திய திமுக அரசை கண்டிக்​கிறேன். இந்த ஆண்டு ஜனவரி 1-ம் தேதி முதல், இத்திட்​டத்​தின் கீழ்வேலை வழங்​கப்​பட​வில்லை என்றும் செய்திகள் வருகின்றன. எனவே, 100 நாள் வேலை திட்டப் பயனாளி​களுக்கு வழங்க வேண்டிய நிலுவை சம்பளத்தை உடனடியாக வழங்க வேண்​டும். அவர்​களுக்கு தொடர்ந்து வேலை வழங்க வேண்​டும். இவ்​வாறு அறிக்கை​யில் கூறப்​பட்​டுள்​ளது.