நெல்லையில் இரட்டை கொலை: மாமனார், மாமியாரை வெட்டி கொன்ற மருமகன் கைது

நெல்லை: நெல்லையில் மாமனார், மாமியாரை வெட்டி கொன்ற மருமகனை போலீஸார் கைது செய்து விசாரணை நடத்தி வருகின்றனர்.

நெல்லை அருகே உள்ள ஆரோக்கியநாதபுரத்தைச் சார்ந்தவர் பாஸ்கர் (55). அவரது மனைவி செல்வராணி (53). இவர்களுக்கு ஜெனிபர்(30) என்ற மகள் இருக்கிறார். ஜெனிபர் அதே தெருவை சேர்ந்த மரிய குமார் (36) என்பவரை கடந்த சில ஆண்டுகளுக்கு முன்பு காதலித்து திருமணம் செய்துள்ளார்.

இந்த நிலையில் ஜெனிபருக்கு கணவர் மரியகுமாருடன் ஏற்பட்ட குடும்ப பிரச்சனை காரணமாக அவரை பிரிந்து தனது பெற்றோர் வீட்டில் வாழ்ந்து வந்துள்ளார். கடந்த சில நாட்களுக்கு முன்பு ஜெனிபர் வட மாநிலத்தை சேர்ந்த வேறு ஒருவரை காதலித்து குடும்பம் நடத்தியதாக கூறப்படுகிறது.

இதனால் ஆத்திரமடைந்த மரியக்குமார் அவரது மாமனார் பாஸ்கர் மற்றும் அவரது மனைவி செல்வராணியை ஆகிய இருவரையும் அரிவாளால் வெட்டி கொலை செய்துள்ளார். இச்சம்பவம் குறித்து பெருமாள்புரம் காவல்துறையினர் வழக்குப் பதிவு செய்து மரியகுமாரை கைது செய்து விசாரணை நடத்தி வருகின்றனர்.