பவுன் விலை ரூ.58,720 ஆக உயர்ந்தது

சென்னை: தங்கம் விலை பவுனுக்கு ரூ.80 அதிகரித்து ரூ.58,720-க்கு விற்பனையானது. 24 காரட் சுத்த தங்கம் ரூ.64,048-க்கு விற்பனையானது.

சர்வதேச பொருளாதார நிலவரத்துக்கு ஏற்ப இந்தியாவில் தங்கத்தின் விலையில் அவ்வப்போது மாற்றம் ஏற்பட்டு உயர்ந்தும், குறைந்தும் விற்பனையாகி வருகிறது. இந்நிலையில், தங்கம் விலை நேற்று அதிகரித்தது. இதன்படி, தங்கம் விலை கிராம் ஒன்றுக்கு ரூ.10 அதிகரித்து ரூ.7,340-க்கும், பவுனுக்கு ரூ.80 அதிகரித்து ரூ.58,720-க்கும் விற்பனையானது. இதேபோல, 24 காரட் சுத்த தங்கம் ரூ.64,048-க்கு விற்பனையானது.

வெள்ளி விலை ஒரு கிராம் நேற்று ரூ.100-ல் இருந்து ரூ.1 அதிகரித்து ரூ.101-க்கு விற்பனையானது. ஒரு கிலோ பார் வெள்ளி விலை ரூ.1,01,000 ஆக இருந்தது.