​திரு​வள்​ளுவர், அண்ணா, பெரி​யார் விருது: விரு​தாளர்​களுக்கு இந்திய கம்யூனிஸ்ட் வாழ்த்து

சென்னை: திரு​வள்​ளுவர், அண்ணா, பெரி​யார் விருது பெற்​றவர்​களுக்கு இந்திய கம்யூனிஸ்ட் கட்சி வாழ்த்து தெரி​வித்​துள்ளது.

இதுகுறித்து அக்கட்​சி​யின் மாநிலச் செயலாளர் இரா.​முத்​தரசன் வெளி​யிட்ட அறிக்கை​யில் கூறி​யிருப்​ப​தாவது: உயர்​தனிச் செம்​மொழி​யாம் தமிழ்​மொழி வளர்ச்​சிக்​கும், வளமைக்​கும், செழு​மைக்​கும் வழிவழியாக பலர் பங்களிப்பு செய்து வருகின்​றனர். இதில் பெரு​மை மிகு பங்களிப்பு செய்​து​வரும் அனைவரை​யும் தமிழ்​நாடு அரசு ஆண்டு​தோறும் பாராட்டி விருது வழங்கி கவுர​வித்து வருகிறது.

அந்தவகை​யில், அய்யன் திரு​வள்​ளுவர், அறிஞர் அண்ணா, மகாகவி பாரதி, பாவேந்தர் பாரதி​தாசன், தமிழ்த்​தென்றல் திரு.​வி.க. மொழிக்​காவலர் கி.ஆ.பெ.​விசுவநாதம், தந்தை பெரி​யார், அண்ணல் அம்பேத்​கர், முத்​தமிழறிஞர் கலைஞர் ஆகியோர் பெயர்​களில் உருவாக்கிய விருதுகளுக்கு முறையே புலவர் மு.படிக்​க​ராமு, எல்.கணேசன், கவிஞர் கபிலன், கவிதைப் பேரொளி பொன்​.செல்​வகணபதி, டாக்டர் ஜி.ஆர்​.ர​வீந்​திரநாத், வே.மு.பொ​தி​ய​வெற்​பன், விடுதலை ராஜேந்​திரன், து.ரவிக்​கு​மார், முத்து வாவாசி ஆகியோர் தேர்வு செய்​யப்​பட்​டுள்​ளனர்.

விருது பெரும் அனைவருக்​கும் இந்திய கம்யூனிஸ்ட் கட்சி வாழ்த்துகளை தெரி​வித்​துக் கொள்​கிறது. இந்த பட்டியலில் திரு.​வி.க. விருதுக்கு டாக்டர் ஜி.ஆர்​.ர​வீந்​திரநாத் தேர்வு செய்​யப்​பட்டதை அறிந்து, “ஈன்ற பொழு​தினும் பெரிது​வக்​கும் - தன் மகனை சான்​றோன் என கேட்ட தாயாக” இந்திய கம்யூனிஸ்ட் கட்​சி​யின் தமிழ்​நாடு ​மாநில செயற்​குழு பெருமை பொங்க வாழ்த்து​கிறது. இவ்​வாறு அவர் தெரிவித்துள்ளார்.