நான் இருக்​கும் வரை திமுக ஆட்சியை கவிழ்க்கவிட மாட்​டேன்: வைகோ உறுதி

சென்னை: நான் இருக்​கும் வரை திமுக ஆட்சியை கவிழ்க்க விட மாட்​டேன் என்று மதிமுக பொதுச் செயலாளர் வைகோ கூறினார். சென்னையில் செய்தி​யாளர்​களிடம் அவர் நேற்று கூறிய​தாவது: ஆங்கிலப் புத்​தாண்​டில் புதிய எழுச்​சி​யுடன் மதிமுக கட்சிப் பணிகளை தொடங்கியுள்​ளது. பிப்​ரவரி மாதம் மண்டல வாரியாக கட்சிக் கூட்​டங்களை நடத்த முடிவு செய்​துள்ளோம்.

ஒரே நாடு ஒரே தேர்தல் மிகவும் மோசமான திட்​ட​மாகும். கூடங்​குளத்​தில் இன்னும் 2 அணு உலை களைக் கொண்டு வருவோம் என்று பிரதமர் மோடி சொல்​கிறார். அது பெரிய ஆபத்​தாகி​விடும். தமிழகத்தை பாஜக குறி​வைத்து தாக்கு​கிறது. தமிழகத்​தில் வரும் சட்டப்​பேர​வைத் தேர்​தலில் திமுக தலைமையிலான கூட்டணி 200-க்​கும் அதிமான இடங்​களில் வெற்றி பெறும். கூட்​ ட​ணி​யில் அனைவரும் ஒற்றுமையாக உள்ளோம். எந்த விரிசலும் இல்லை. கூட்​ட​ணியை மேலும் வலுப்​படுத்தி, வெற்றி பெறச் செய்வோம். நடிகர் விஜய் அரசியல் வருகை​யால் திமுக கூட்​ட​ணிக்கு எந்தப் பாதிப்பும் ஏற்படாது.

நான் உயிரோடு இருக்​கும் வரை திமுக ஆட்சியை கவிழ்க்க விடமாட்​டேன். தமிழகத்​தில் எக்காலத்​தி​லும் பாஜகவை வர விடமாட்​டேன். இண்டியா கூட்​ட​ணிக்கு தலைமை ஏற்கும் தகுதி ராகுல் காந்​திக்கு உள்ளது. மம்தா பானர்​ஜிக்கு இல்லை. ஆட்சி​யிலும் பங்கு, அதிகாரத்​தி​லும் பங்கு என்ப​தில் எங்களுக்கு உடன்பாடு கிடை​யாது. அண்ணா​மலை​யின் சாட்​டையடிப் போராட்டம் மிகவும் ரசிக்​கும்​படியாக இருந்​தது. அண்ணா பல்கலைக்​கழகத்​தில் நடந்த சம்பவம் கொடூர​மானது. குற்​றவாளிக்கு அதிகபட்ச தண்டனை கொடுக்க வேண்டும். இவ்​வாறு அவர் கூறினார்.

கட்​சி​யின் பொருளாளர் ​மு.செந்​தில​திபன், ​முதன்​மைச் செய​லா​ளர் துரை. வைகோ உள்​ளிட்டோர் உடனிருந்தனர்.