நடப்பாண்டில் 3-வது முறையாக 120 அடியை எட்டியது மேட்டூர் அணை

மேட்​டூர்: நடப்​பாண்​டில் 3-வது முறையாக மேட்​டூர் அணை நீர்​மட்டம் அதன் முழு கொள்​ளளவான 120 அடியை எட்டியது.

கேரளா, கர்நாட​கா​வில் காவிரி நீர்ப்​பிடிப்புப் பகுதி​களில் பெய்த மழை காரணமாக அங்குள்ள அணைகள் நிரம்​பின. பின்னர், அணைகளில் இருந்து உபரிநீர் திறக்​கப்​பட்​டதையடுத்து, காவிரி ஆற்றில் வெள்​ளப்​பெருக்கு ஏற்பட்டு மேட்​டூர் அணைக்கு நீர்​வரத்து அதிகரித்​தது.

கடந்த ஜூலை 30-ம் தேதி மேட்​டூர் அணை முழு கொள்​ளளவான 120 அடியை 43-வது முறையாக எட்டியது. பாசனத்​துக்காக நீர் திறக்​கப்​பட்ட நிலை​யில் அணையின் நீர்​மட்டம் குறைந்​தது. பின்னர், நீர்​வரத்து அதிகரித்​த​தால், நடப்​பாண்​டில் ஆகஸ்ட் 12-ம் தேதி 2-வது முறையாக மேட்​டூர் அணை மீண்​டும் 120 அடியை எட்டியது. பின்னர், மழை குறைந்​த​தா​லும், பாசனத்​துக்கு நீர் திறப்பு காரண​மாக​வும் அணையின் நீர்​மட்டம் குறையத் தொடங்​கியது.

டெல்டா மாவட்​டங்​களில் பெய்த மழை காரணமாக பாசனத்​துக்கு நீர் தேவை குறைந்​த​தால், நீர் திறப்பும் குறைக்​கப்​பட்​டது. இந்நிலை​யில், காவிரி நீர்ப்​பிடிப்புப் பகுதி​களில் பெய்த மழையின் காரண​மாக, மேட்​டூர் அணைக்கு நீர்​வரத்து அவ்வப்​போது அதிகரித்து வந்தது. அணைக்கு நேற்று முன்​தினம் 2,331 கனஅடியாக இருந்த நீர்​வரத்து நேற்று 2,875 கனஅடியாக அதிகரித்​தது. இதையடுத்து, மேட்​டூர் அணை முழு கொள்​ளளவான 120 அடியை நடப்​பாண்​டில் 3-வது முறையாக நேற்றிரவு எட்டியது.

விவசாயிகள் மகிழ்ச்சி: கடந்த 2022-ம் ஆண்டுக்​குப் பிறகு மீண்​டும் மேட்​டூர் அணை நடப்​பாண்​டில் 3-வது முறையாக நிரம்​பி​யுள்​ளது. ஒரே ஆண்டில் 3-வது முறையாக அணை முழு கொள்ளளவை எட்டியதால் டெல்டா பாசன விவசா​யிகள் மகிழ்ச்​சி​யடைந்​துள்ளனர். அணையின் நீர் இருப்பு 93.47 டிஎம்​சியாக உள்ள நிலை​யில், அணையில் இருந்து காவிரிடெல்டா பாசனத்​துக்கு விநாடிக்கு 500 கனஅடி, கால்​வாய் பாசனத்​துக்கு 300 கனஅடி தண்ணீர் திறக்​கப்​பட்டு வருகிறது.

இந்நிலை​யில், அணைப்பகுதியில் நேற்று ஆய்வு மேற்கொண்ட நீர்​வளத்​துறை திருச்சி மண்டல தலைமைப் பொறி​யாளர் தயாளகு​மார், அணையில் இருந்து உபரி நீரை வெளி​யேற்று​வது, முன்னெச்​சரிக்கை நடவடிக்கைகள் குறித்து அதிகாரி​களிடம் கேட்​டறிந்​தார்.