உப்பு உள்ள பாப்​கார்​னுக்கு ஒரு வரி; உப்பில்​லாததற்கு வேறொரு வரியா? - ப.சிதம்​பரம் கேள்வி

காரைக்​குடி: உப்பு உள்ள பாப்​கார்​னுக்கு ஒருவரி, உப்பில்​லாததற்கு வேறொரு வரி என விந்​தையான ஜிஎஸ்டி இந்தியா​வில் மட்டும்​தான் உள்ளது என்று முன்​னாள் மத்திய அமைச்சர் ப.சிதம்​பரம் தெரி​வித்​தார்.

காரைக்​குடி​யில் அவர் செய்தி​யாளர்​களிடம் கூறிய​தாவது: பின்​தங்கிய மக்களுக்கு 50 சதவீத இடஒதுக்​கீடு அளிக்கலாம்
என உச்ச நீதி​மன்றம் ஏற்கெனவே உத்தர​விட்​டுள்​ளது. அந்தந்த மாநில சூழ்​நிலை, முறையான கணக்​கெடுப்​புக்கு பின்னரே உள்ஒதுக்​கீட்டை பெறலாம். ஒரே நாடு ஒரே தேர்தல் அரசியல் சாசனத்​துக்கு முரணானது.

அதை இண்டியா கூட்டணி தோற்​கடிக்கும். அண்ணா பல்கலை. மாணவி வன்கொடுமை சம்பவத்​துக்கு, அங்கு துணைவேந்தர் இல்லாததும் ஒரு காரணம். அரசுதான் துணைவேந்​தர்களை நியமிக்க வேண்​டும். ஆளுநர்கள் வரம்புமீறி செயல்​படு​வ​தால் சிக்கல் ஏற்படு​கிறது. அண்ணாமலை தன்னை சாட்​டை​யால் அடித்துக் கொண்​
டதற்கு இங்கிலாந்​தில் கற்றுக் கொண்ட பாடம்​தான் காரணம்.

பொங்கல் பரிசுத் தொகுப்பாக ரூ.1,000 கொடுக்​காதது தேர்​தலில் வெற்றி, தோல்​வியை நிர்​ண​யிக்​காது. 2026-ம் ஆண்டு திமுக தலைமையிலான இண்டியா கூட்டணி அமோக வெற்றி பெறும்.உப்பு போட்ட பாப்​கார்​னுக்கு ஒரு வரி; உப்பு போடாத பாப்​கார்​னுக்கு வேறு வரி என உலகத்​திலேயே விந்​தையான ஜிஎஸ்டி இந்தியா​வில் மட்டுமே உள்ளது. இந்தியா​வில் உள்ள ஜிஎஸ்டி சட்டமே தவறானது.

காரைக்​குடி அழகப்பா பல்கலைக்​கழகத்​தில் தமிழுக்காக நூலகம் கட்டிக் கொடுத்துள்ளோம். இது சிவகங்கை மாவட்டமக்களுக்கு பயனுள்ளதாக இருக்​கும். இதை ஜன.21-ம்தேதி ​முதல்​வர் ​மு.க.ஸ்​டா​லின் நேரில் வந்து ​திறந்​து​வைக்​கிறார். இவ்​வாறு அவர்​ கூறினார்​.