ஞானசேகரன் மட்டும்தான் குற்றவாளி; வேறு யாருக்கும் தொடர்பு இல்லை: சென்னை காவல் ஆணையர் விளக்கம்

சென்னை: அண்ணா பல்கலைக்கழக மாணவி பாலியல் வழக்​கில் கைது செய்​யப்​பட்​டுள்ள ஞானசேகரன் மட்டுமே குற்​றவாளி. வேறு யாருக்​கும் இதில் தொடர்​பில்லை என்று சென்னை மாநகர காவல் ஆணையர் அருண் உறுதிபட தெரி​வித்​துள்ளார்.

மாணவி பாலியல் வன்கொடுமை வழக்கு தொடர்​பாக, பல்வேறு சந்தேகங்கள் எழுப்​பப்​பட்டு வருகின்றன. இந்நிலை​யில், செய்தி​யாளர்​களிடம் ஆணையர் அருண் நேற்று கூறிய​தாவது: கடந்த 24-ம் தேதி காவல் கட்டுப்​பாட்டு அறைக்கு வந்த அழைப்​பின் பேரில், அண்ணா பல்கலைக்​கழகத்​துக்கு சென்ற போலீ​ஸார், பாதிக்​கப்​பட்ட மாணவி மற்றும் பேராசிரியர் கொடுத்த புகாரின் பேரில் வழக்கு பதிவு செய்​தனர்.

பாதிக்​கப்​பட்​ட​வர்கள் சொல்வதை அப்படியே பதிவு செய்​வது​தான் முதல் தகவல் அறிக்கை (எஃப்​ஐஆர்). அதில் காவல்​துறை எந்த திருத்​த​மும், அழித்​தலும் செய்​யக்​கூடாது. முதல் தகவல் அறிக்கை பதிவு செய்த பிறகு கோட்​டூர்​புரம் உதவி ஆணையர் தலைமை​யில் 4 தனிப்​படைகள் அமைக்​கப்​பட்டு விசாரணை நடத்​தப்​பட்​டது. 25-ம் தேதி காலை​யிலேயே குற்​றவாளி கைது செய்​யப்​பட்​டார். அவர்​தான் குற்​றத்தை செய்​தாரா என்பதை உறுதி செய்ய பல்வேறு விசாரணை நடத்தி, உறுதி செய்த பிறகு அவர் சிறைக்கு அனுப்​பப்​பட்​டார். அவர் மீது புதிதாக கொண்டு வரப்​பட்ட பிஎன்எஸ் சட்டத்​தின் 6 பிரிவுகள் மற்றும் தகவல் தொழில்​நுட்ப சட்டத்​தின் 2 பிரிவுகள் என மொத்தம் 8 பிரிவு​களில் வழக்கு பதிவு செய்​யப்​பட்​டுள்​ளது.

பெண்கள் மற்றும் பெண் குழந்தைகள் சம்பந்​தப்​பட்ட குற்​றங்​களுக்கு முதல் தகவல் அறிக்கை பதிவு செய்​யும்​போது, சிசிடிஎன்எஸ் (குற்றம் மற்றும் குற்​றவாளிகள் கண்காணிப்பு இணையதள அமைப்பு) தானாகவே லாக் ஆகிவிடும். சில தொழில்​நுட்ப கோளாறு காரணமாக இந்த எஃப்​ஐஆர் லாக் ஆவதில் தாமத​மாகி உள்ளது. அந்த நேரத்தை பயன்​படுத்தி ஒரு சிலர் அந்த எஃப்​ஐஆர்-ஐ பதிவிறக்கம் செய்திருக்​கலாம். மேலும், புகார்​தா​ரருக்​கும் ஒரு எஃப்​ஐஆர் நகல் கொடுக்​கப்​பட்​டுள்​ளது.
இந்த இரண்டு வழிகளில்​தான் எஃப்​ஐஆர் வெளியே வந்திருக்க வேண்​டும். இதுபோன்ற வழக்​கு​களில் எஃப்​ஐஆரை வெளியே பகிரக்​கூடாது. அவ்வாறு செய்வது சட்டப்படி குற்​றம். அதுமட்டுமில்​லாமல், அந்த எஃப்​ஐஆர்-ஐ எடுத்து வைத்​துக்​கொண்டு பொது வெளி​யில் விவாதம் செய்​வதும் குற்​றம்​தான். எனவே, எஃப்​ஐஆர் வெளியே கசிந்​ததற்கு கோட்​டூர்​புரம் காவல் நிலை​யத்​தில் வழக்கு பதிவு செய்​யப்​பட்​டுள்​ளது. எஃப்​ஐஆரை கசிய​விட்ட நபர்களை கண்டறிந்து தகுந்த தண்டனை பெற்றுக் கொடுக்​கப்​படும்.

இதுவரை நடந்த புலன் விசா​ரணை​யில், ஞானசேகரன் மட்டும்​தான் குற்​றவாளி. வேறு யாருக்​கும் இதில் தொடர்பு இல்லை. அவர், மாணவி​யிடம் பாலியல் சீண்​டலில் ஈடுபட்​ட​போது, தனது செல்​போனை அணைத்து வைத்​துள்ளார். ஞானசேகரன் மீது 2013-ல் இருந்து இதுவரை 20 வழக்​குகள் உள்ளன. அனைத்​தும் திருட்டு வழக்​கு​கள்​தான். இவர் மீது ரவுடித் தனம் செய்​த​தாகவோ, வேறு ஏதேனும் பெண்​களிடம் பாலியல் குற்​றத்​தில் ஈடுபட்​ட​தாகவோ வழக்கு இல்லை. இவரால் வேறு பெண்கள் யாரும் பாதிக்​கப்​பட்​டிருப்​பதாக காவல்​துறைக்கு புகார் ஏதும் வரவில்லை. ஆனால், அவரை போலீஸ் காவலில் விசா​ரிக்​கும்​போது பெண்கள் பாதிக்​கப்​பட்​டிருப்பது தெரிய​வந்​தால், சம்பந்​தப்​பட்ட பெண்களை அணுகி புகார் பெறப்​படும்.

அண்ணா பல்கலைக்​கழகத்​தில் 70 சிசிடிவி கேமராக்கள் உள்ளன. அதில் 56 கேமராக்கள் செயல்​படு​கின்றன. அந்த கேமராக்களை ஆய்வு செய்​த​போது, பல்வேறு தகவல்கள் கிடைத்​துள்ளன. பல்கலைக்​கழகத்​தில் 140 பாது​காவலர்கள் இருக்​கின்​றனர். அவர்கள் 49 பேர் வீதம் 3 ஷிப்​டு​களாக சுழற்சி முறை​யில் பாது​காப்பு பணியில் ஈடுபடு​கின்​றனர். அங்கு பாது​காப்பை அதிகரிக்க ஆய்வு நடத்தி வருகிறோம். அண்ணா பல்கலைக்​கழகத்​தில் காலை, மாலை​யில் பொது​மக்கள் நடைப​யிற்சி மேற்​கொள்ள அனுமதி வழங்​கப்​பட்​டுள்​ளது. அதில் சந்தேக நபர்களை மட்டும் பாது​காவலர்கள் தடுத்து நிறுத்தி விசாரணை செய்​கின்​றனர். 2014-ம் ஆண்டு போலீ​ஸாரால் கண்காணிக்​கப்​பட்டு வந்த முக்கிய நபராக ஞானசேகரன் இருந்​தார்.

2019-ம் ஆண்டு இறுதியாக அவர் மீது ஒரு வழக்கு பதியப்​பட்​டுள்​ளது. அதன்​பிறகு அவர் மீது வழக்கு இல்லை. 2023-ல் ‘பெட் கிளினிக்’ ஒன்றில் தகராறு செய்தது தொடர்பாக அவர் மீது ஒரு வழக்கு பதியப்​பட்​டுள்​ளது. அந்தவகை​யில் 2019-க்கு பிறகு ஞானசேகரன் மீது குற்ற வழக்​குகள் இல்லை. குற்​றவாளி எந்த அரசியல் கட்சி​யில் இருந்​தா​லும், அவர் மீது காவல் துறை நடவடிக்கை எடுக்​கும். இந்த சம்பவம் நடைபெற்ற பிறகு, காவல் துறையை நம்பி, அந்த மாணவி, மறுநாளே போலீ​ஸில் புகார் அளித்​துள்ளார். அவரது நம்பிக்கையை தக்க​வைத்​துக் கொள்​ளும் வகையில் நடவடிக்கை எடுக்​கப்​பட்​டுள்​ளது. காவல்​துறை​யின் நடவடிக்கை​யில் புகார்​தாரர் திருப்தி அடைந்​திருக்​கிறார்.

எந்த ஒரு குற்றம் நடந்​தா​லும், பாதிக்​கப்​பட்ட பெண்கள் காவல்​துறையை அணுகி புகார் கொடுக்க வேண்​டும். அவர்​களது புகார் மீது காவல் துறை சட்டப்படி நடவடிக்கை எடுக்​கும். இந்த வழக்​கில் விரை​வில் புலன் விசாரணை மேற்​கொண்டு குற்​றப்​பத்​திரிகை தாக்கல் செய்​யப்​படும். குற்​றவாளிக்கு விரைந்து தண்டனை பெற்றுக் கொடுப்​போம் இவ்வாறு காவல் ஆணையர் அருண் தெரி​வித்​தார். பாதிக்​கப்​பட்ட எந்த பெண்​களும் புகார் அளிக்காத நிலை​யில், பொறி​யியல் மாணவி மட்டும் துணிச்​சலாக புகார் தெரி​வித்​துள்ளார். அவருக்கு காவல் ஆணையர் அருண் உட்பட பல்வேறு தரப்​பினரும் பாராட்டு தெரி​வித்​தனர்.

ஞானசேகரனுக்கு 3 மனைவிகள்: கைதான ஞானசேகரனுக்கு ஸ்டான்லி அரசு மருத்​துவ​மனை​யில் போலீஸ் காவலில் சிகிச்சை அளிக்​கப்​பட்டு வருகிறது. அவரை பற்றி பரபரப்பு தகவல்கள் வெளி​யாகி உள்ளன. இதுகுறித்து போலீஸ் தரப்​பில் கூறப்​படு​வ​தாவது: ஞானசேகரனுக்கு 3 மனைவி​கள். முதல் மனைவிக்கு 11 வயதில் பெண் குழந்தை உள்ளது. ஞானசேகரனின் பாலியல் கொடுமை தாங்​காமல் அவர் பிரிந்து சென்​றுள்​ளார். இரண்​டாவது மனைவிக்கு ஒரு பெண் குழந்​தை​யும் 3-வது மனைவிக்கு ஒரு ஆண் குழந்​தை​யும் உள்ள​தாம். அவர்​களும் பிரிந்து சென்​று​விட்​டார்​களாம். இவர்​களில் ஒருவர் தாசில்​தா​ரின் மகள்.
தற்போது மாணவி உட்பட மேலும் 3 பெண்​களிடம் அவர் பாலியல் ரீ​தி​யில் எல்லை மீறி உள்ளதாக கூறுப்​படு​கிறது. ஆனால், ​மாணவி தவிர வேறு ​யாரும் அவர் மீது பு​கார் தெரிவிக்க​வில்லை. இத​னால், அவர் இது​போன்ற செயல்​களில் துணிச்​சலுடன் தொடர்ந்து ஈடு​பட்​டுள்​ளார். அவரது பின்னணி குறித்து தொடர்​ந்​து ​விசாரித்​து வருகிறோம் என்றனர்.