சென்னை | மின்கம்பி அறுந்து விழுந்ததால் ரயில் சேவை பாதிப்பு

சென்னை: சென்ட்ரல் - கும்​மிடிப்​பூண்டி வழித்​தடத்​தில் எண்ணூர் - அத்திப்​பட்டு ரயில் நிலை​யங்​களுக்கு இடையே கும்​மிடிப்​பூண்டி நோக்கி செல்​லும் வழித்​தடத்​தில் உயர் மின்னழுத்த கம்பி நேற்று காலை 7.50 மணிக்கு திடீரென அறுந்து விழுந்​தது. இதன் காரணமாக மின்தடை ஏற்பட்​டது. அவ்வழியாக செல்​லும் மின்சார மற்றும் விரைவு ரயில்கள் எண்ணூர் ரயில் நிலையம் அருகே ஆங்காங்கே நிறுத்​தப்​பட்​டது.

தகவல் அறிந்து ரயில்வே ஊழியர்கள் சம்பவ இடத்​துக்கு விரைந்து வந்து காலை 10.25 மணிக்கு சரி செய்​தனர். இதையடுத்து, ரயில் சேவை மீண்​டும் தொடங்​கியது. இந்த சம்பவம் காரண​மாக, இரண்டரை மணி நேரம் ரயில் போக்கு​வரத்து பாதிப்​படைந்​தது. இதனால், காலை நேரத்​தில் வேலைக்கு சென்ற ஊழியர்​கள், மாணவர்​கள், வெளியூர் சென்ற பயணி​கள் உள்​ளிட்​டோர் கடும் சிரமத்​துக்கு ஆளா​யினர்​.