தமிழகம் முழுவதும் கூட்டுறவு துறை சார்பில் 3 வகையான பொங்கல் தொகுப்பு விற்பனை தொடக்கம்

சென்னை: சென்னை, தேனாம்​பேட்டை, காமதேனு கூட்டுறவு அங்காடி​யில், கூட்டுறவுத் துறை​யின் மூலம் “கூட்டுறவு பொங்​கல்” என்ற பெயரில் பொங்கல் தொகுப்பு விற்​பனையை அமைச்சர் கே.ஆர்​.பெரியகருப்பன் நேற்று தொடங்கி வைத்​தார்.

அப்போது அவர் செய்தி​யாளர்​களிடம் கூறிய​தாவது: கூட்டுறவு மொத்த விற்பனை பண்டக சாலைகள், பிரதம கூட்டுறவு பண்டக சாலைகள், கூட்டுறவு விற்​பனைச் சங்கம், சுயசேவை பிரிவுகள் மற்றும் சில்லறை விற்பனை நிலை​யங்கள் போன்ற அனைத்து விற்பனை அலகுகள் மூலம் தமிழகம் முழு​வதும் “கூட்டுறவு பொங்​கல்” என்ற பெயரில் மளிகைப் பொருட்கள் அடங்கிய பொங்கல் தொகுப்பு விற்பனை நடைபெறவுள்​ளது. இந்த மளிகைப் பொருட்கள் அடங்கிய பொங்கல் தொகுப்பு 3 வகையாக அறிமுகப்​படுத்​தப்​பட​வுள்​ளது. 3 வகை தொகுப்பு விவரம்: இனிப்பு பொங்கல் தொகுப்​பில் பச்சரிசி- 500 கிராம், பாகு​வெல்லம் - 500 கிராம், ஏலக்​காய் - 5 கிராம், முந்​திரி - 50 கிராம், ஆவின் நெய் - 50 கிராம், பாசி பருப்பு - 100 கிராம், உலர் திராட்சை -50 கிராம் என 7 பொருட்கள் இருக்​கும். சிறிய பையுடன் ரூ.199 என்ற விலை​யில் விற்​கப்பட உள்ளது.

சிறப்பு பொங்கல் தொகுப்​பில் மஞ்சள் தூள், சர்க்​கரை, துவரம் பருப்பு, கடலை பருப்பு, பாசிபருப்பு, உளுந்து, கூட்டுறவு உப்பு, நீட்டு மிளகாய், தனியா, புளி, பொட்டுக்​கடலை, மிளகாய் தூள், செக்கு கடலை எண்ணெய், கடுகு, சீரகம், மிளகு, வெந்​த​யம், சோம்பு, பெருங்​காயம் என 19 பொருட்கள் அடங்கிய தொகுப்பு மளிகை பையுடன் ரூ.499-க்கு விற்​கப்​படு​கிறது.

இதேபோல் பெரும்​பொங்கல் தொகுப்​பில், சிறப்பு பொங்கல் தொகுப்​பில் உள்ள 19 பொருட்​களு​டன், பச்சை பட்டாணி, வெள்ளை சுண்​டல், வேர்க்​கடலை, ஏலக்​காய், வரகு, சாமை, திணை, ரவை, அவல், ராகி மாவு, கோதுமை மாவு, ஜவ்வரிசி, வறுத்த சேமியா, மல்லித்​தூள், சாம்​பார் தூள் என 34 பொருட்கள் அடங்கிய தொகுப்பு ரூ.999-க்கு விற்பனை செய்​யப்​படு​கிறது. இந்த பெரும் பொங்கல் தொகுப்புடன் மட்டும் அரை கிலோ நாட்டு சர்க்கரை இலவசமாக வழங்​கப்​பட​வுள்​ளது. இவ்வாறு அவர் தெரி​வித்​தார். நிகழ்ச்​சி​யில், துறை​யின் செயலர் ஜெ.ரா​தாகிருஷ்ணன். கூட்டுறவு சங்​கங்​களின் ப​திவாளர் ந.சுப்​பையன், கூடு​தல் ப​திவாளர் ப.​கா​யத்ரி கிருஷ்ணன் உள்​ளிட்​டோர் பங்​கேற்​றனர்.

இதேபோன்று, தமிழ்நாடு நுகர்பொருள் வாணிபகழகத்தின் அமுதம் அங்காடிகள் மூலம்ரூ.999 விலையில் 20 மளிகை பொருட்கள் அடங்கிய கிறிஸ்துமஸ், புத்தாண்டு மளிகை தொகுப்பு விற்பனையை சென்னையில் அமைச்சர் அர.சக்கரபாணி நேற்று தொடங்கி வைத்தார்.

மசாலா பொருட்கள்: இதில், மஞ்சள்தூள், சர்க்கரை, பாசுமதி அரிசி, ரவை, மைதா, ஆட்டா, சூரியகாந்தி எண்ணெய், அமுதம் ஸ்பெஷல் (பட்டை, இலவங்கம், ஏலக்காய், பிரியாணி இலை, மராட்டி மொக்கு, கல்பாசி) வெல்லம், நெய், சேமியா, முறுக்கு மாவு, அதிரசமாவு, பிரியாணி மசாலா, கரம் மசாலா, சாம்பார் பொடி, இட்லி பொடி, பெருங்காயத்தூள், சிக்கன் 65 மசாலா, மீன் மசாலா ஆகிய பொருட்கள் இத்தொகுப்பில் அடங்கியுள்ளன.