பூண்டி ஏரியிலிருந்து விநாடிக்கு 12000 கன அடி; புழல் ஏரியிலிருந்து 1000 கன அடி உபரிநீர் வெளியேற்றம்

திருவள்ளூர்: திரு​வள்​ளூர் மாவட்​டத்​தில் கடந்த 11,12 ஆகிய தேதி​களில் பெய்தகன மழையால் சென்னைக்கு குடிநீர் தரும் முக்கிய ஏரிகளுக்கு நீர்ப்​பிடிப்பு பகுதி​களி​லிருந்து தண்ணீர் வந்து கொண்​டிருக்​கிறது. தொடக்​கத்​தில் பூண்டி ஏரிக்கு அதிகள​வில் நீர் வந்து கொண்​டிருந்​த​தால், ஏரியின் பாதுகாப்பு கருதி,முன்னெச்​சரிக்கை நடவடிக்கையாக கடந்த 12-ம் தேதி மதியம் முதல் உபரிநீர் திறக்கப்​பட்டு வருகிறது.

தொடக்​கத்​தில் விநாடிக்கு ஆயிரம் கனஅடி என வெளி​யேற்​றப்​பட்டு வந்த உபரி நீரின் அளவு, படிப்​படியாக அதிகரிக்​கப்​பட்டு, கடந்த 13-ம் தேதி காலை முதல் விநாடிக்கு 16,500 கன அடி உபரி நீர் வெளி​யேற்​றப்​பட்டு வந்தது. கடந்த 2 நாட்​களாக மழை பெய்​யாத​தால், நீர்​வரத்து குறைந்​துள்ளது.

எனவே பூண்டி ஏரியி​லிருந்து நேற்று முன்​தினம் மாலை முதல் விநாடிக்கு 12 ஆயிரம் கன அடி உபரிநீர் வெளி​யேற்​றப்​பட்டு வருகிறது. இதனால் 3,231 மில்​லியன் கன அடி கொள்​ளளவு மற்றும் 35 அடி உயரம் கொண்ட பூண்டி ஏரியின் நீர் இருப்பு நேற்று காலை நிலவரப்​படி, 2,730 மில்​லியன் கனஅடியாக​வும், நீர்​மட்டம் 33.77 அடியாக​வும் உள்ளது. அது மட்டுமல்​லாமல், நீர்​வரத்து விநாடிக்கு 8,560 கன அடியாக உள்ளது.

செம்​பரம்​பாக்கம் ஏரி: தொடர் கனமழை காரணமாக செம்​பரம்​பாக்கம் ஏரி வேகமாக நிரம்பி வந்த நிலை​யில் அதன் நீர்​மட்டம் வேகமாக உயர்ந்​தது. இதனால் உபரிநீர் திறப்பு 6 ஆயிரம் கன அடியாக அதிகரிக்​கப்​பட்​டது. தற்போது 3 நாட்​களாக மழை இல்லாத நிலை​யில் நீர்​வரத்​தும் 2 ஆயிரம் கன அடியாக குறைந்​தது.

இதனால் உபரிநீர் திறக்​கப்​படுவது தற்போது 3000 கன அடியாக குறைக்​கப்​பட்​டுள்​ளது. தற்போது செம்​பரம்​பாக்கம் ஏரியின் நீர்​மட்டம் 21.40 அடியாக உள்ளது. ஏரியின் நீர்​மட்​டத்தை 21 அடி அளவிலேயே வைத்து கண்காணிக்க அதிகாரிகள் முடிவு செய்​துள்ளனர். அதேபோல், புழல் ஏரியி​லிருந்து 13-ம் தேதி காலை​முதல் விநாடிக்கு 500 கன அடி உபரிநீர் வெளி​யேற்​றப்​பட்டு வந்தது.

மழையில்​லாத​தால் புழல் ஏரிக்​கும் நீர்​வரத்து குறைந்​துள்ளது. ஆனால், நீர் இருப்பு அதிகமாக உள்ளது. ஆகவே, நேற்று முன்​தினம் இரவு புழல் ஏரியி​லிருந்து வெளி​யேற்​றப்​படும் உபரிநீரின் அளவு விநாடிக்கு ஆயிரம் கன அடியாக அதிகரிக்​கப்​பட்​டுள்​ளது. இதனால், 3,300 மில்​லியன் கனஅடி கொள்​ளளவு மற்றும் 21.20 அடிஉயரம் கொண்ட புழல் ஏரியில் நேற்று காலை நிலவரப்படி 2,920 மில்​லியன் கன அடி நீர் இருப்பும், 19.54 அடி நீர் மட்ட​மும் உள்ளது.

ஏரிக்கு நீர் வரத்து விநாடிக்கு 653 கன அடியாக உள்ளது. கடந்த 13-ம் தேதி காலை நிலவரப்​படி, ஆந்திர மாநிலம்​-பிச்​சாட்​டூர் அணையி​லிருந்து விநாடிக்கு 5,500 கன அடி உபரி நீர் வெளி​யேற்​றப்​பட்டு வந்தது. படிப்​படியாக குறைக்​கப்​பட்டு வந்த அந்​தளவு நேற்று இரவு ​விநாடிக்கு 800 கன அடி​யாகக் குறைக்​கப்​பட்​டுள்​ளது.