புதிய காற்றழுத்த தாழ்வு பகுதி டிச. 16-ல் உருவாகும்: இன்றும் நாளையும் மிதமான மழைக்கு வாய்ப்பு

சென்னை: இந்திய வானிலை ஆய்வு மைய தென் மண்டலத் தலைவர் எஸ்.பாலசந்​திரன் செய்தி​யாளர்​களிடம் நேற்று கூறிய​தாவது: தமிழகத்​தில் வடகிழக்​குப் பருவமழை மிக தீவிரமாக உள்ளது. பெரும்​பாலான இடங்​களில் கனமழை பெய்​துள்ளது. நேற்று காலை 8.30 மணியுடன் நிறைவடைந்த 24 மணி நேரத்​தில் பதிவான மழை அளவு​களின்படி 29 இடங்​களில் அதிக​னமழை​யும், 81 இடங்​களில் மிக கனமழை​யும், 16 இடங்​களில் கனமழை​யும் பெய்​துள்ளது.

அதிகபட்​சமாக திருநெல்​வேலி மாவட்டம் ஊத்து பகுதி​யில் 54 செ.மீ., அம்பாச​முத்​திரம், தூத்​துக்​குடி மாவட்டம் கோவில்​பட்​டி​யில் 37, திருநெல்​வேலி மாவட்டம் கன்னடயன் அணைக்​கட்டு, காக்​காச்​சி​யில் தலா 35, மாஞ்​சோலை​யில் 32, தென்​காடி மாவட்டம் ஆயிக்​குடி, திருநெல்​வேலி மாவட்டம் நாலு​முக்கு, கடலூர் மாவட்டம் லால்​பேட்டை ஆகிய இடங்​களில் 31 செ.மீ. மழை பதிவாகி​யுள்​ளது.

தமிழகத்​தில் கடந்த அக். 1 முதல் டிச. 13 வரை 54 செ.மீ. மழை பதிவாகி​யுள்​ளது. இந்த காலகட்​டத்​தில் வழக்​கமாக 40 செ.மீ. மழை பெய்​யும். இந்த ஆண்டு வழக்​கத்​தைவிட 32 சதவீதம் அதிகமாக மழை பெய்​துள்ளது. டிச. 12-ம் தேதி வரை 16 சதவீதம் மட்டுமே மழை அதிகமாக இருந்​தது. ஒரே நாளில் 16 சதவீதம் கூடு​தலாக மழை கிடைத்​துள்ளது.

மன்னார் வளைகுடா மற்றும் அதையொட்டிய பகுதி​களில் நிலவிய காற்​றழுத்த தாழ்வு பகுதி, லட்சத்​தீவு மற்றும் மாலத்​தீவு பகுதி​களில் நிலவு​கிறது. இது மேற்கு திசை​யில் நகர்ந்து, வலுவிழக்கக் கூடும். தெற்கு அந்த​மான் கடல் பகுதி​களின் மேல் ஒரு வளிமண்டல மேலடுக்கு சுழற்சி இன்று நிலவும். இதன் காரணமாக வரும் 16-ம் தேதி ஒரு காற்​றழுத்த தாழ்வு பகுதி உருவாகக்​கூடும். இது மேற்கு மற்றும் வடமேற்கு திசை​யில் நகர்ந்து, தமிழக கடலோரப் பகுதிகளை நோக்கி நகரலாம். இதன் காரணமாக தமிழகம், புதுச்​சேரி​யில் இன்றும், நாளை​யும் ஓரிரு இடங்​களில் இடி, மின்னலுடன் கூடிய, லேசானது முதல் மிதமான மழை பெய்​யக்​கூடும். வரும் 16, 17, 18-ம் தேதி​ களில் பரவலாக​வும், 19-ம் தேதி சில இடங்​களி​லும் லேசானது முதல் மிதமான மழை பெய்யும்.

வரும் 16-ம் தேதி தஞ்சாவூர், திரு​வாரூர், நாகப்​பட்​டினம், மயிலாடு​துறை, ராமநாத​புரம், புதுக்​கோட்டை மாவட்​டங்​களில் ஓரிரு இடங்​களி​லும், காரைக்​கால் பகுதி​யிலும் கனமழை பெய்ய வாய்ப்புள்​ளது. வரும் 17-ம் தேதி கடலூர், மயிலாடு​துறை மாவட்​டங்​களில் ஓரிரு இடங்​களி​லும், காரைக்​கால் பகுதி​யிலும் கன முதல் மிக கனமழை​யும், தஞ்சாவூர், திரு​வாரூர், நாகப்​பட்​டினம், விழுப்பு​ரம், அரியலூர், பெரம்​பலூர், கள்ளக்​குறிச்சி, புதுக்​கோட்டை, திருச்சி, செங்​கல்​பட்டு மாவட்​டங்​களி​லும், புதுச்​சேரி​யில் ஓரிரு இடங்​களில் கனமழை​யும் பெய்ய வாய்ப்புள்​ளது.

வரும் 18-ம் தேதி டெல்டா மாவட்​டங்​கள், கடலூர், விழுப்பு​ரம், அரியலூர், பெரம்​பலூர், கள்ளக்​குறிச்சி, செங்​கல்​பட்டு, திரு​வண்ணா​மலை, காஞ்​சிபுரம் மாவட்​டங்​களில் ஓரிரு இடங்​களில் கனமழை பெய்​யக்​கூடும்.சென்னை மற்றும் புறநகர் பகுதி​களில் இன்று வானம் ஓரளவு மேகமூட்​டத்​துடன் காணப்​படும். நகரின் சில பகுதி​களில் இடி, மின்னலுடன் கூடிய லேசான மழை பெய்ய வாய்ப்புள்​ளது.

தமிழக கடலோரப் பகுதி​கள், மன்னார் வளைகுடா மற்றும் குமரிக்​கடல் பகுதி​களில் வரும் 17-ம் தேதி அதிகபட்​சமாக மணிக்கு 55 கி.மீ. வேகத்​தில் சூறாவளிக் ​காற்று வீசக்​கூடும். எனவே, இப்​பகு​தி​களுக்கு மீனவர்​கள் செல்ல வேண்​டாம் என்று அறி​வுறுத்​தப்​படு​கிறார்​கள். இவ்​வாறு அவர் கூறினார்​.