பைக் டாக்சி இயக்கம் தொடர்பாக ஆய்வு: போக்குவரத்து அமைச்சர் சிவசங்கர் தகவல்

சென்னை: பைக் டாக்​சிகளுக்கு தடை உள்ளிட்ட கோரிக்கைகளை வலியுறுத்தி, சென்னை, போக்கு​வரத்து ஆணையரகத்​தில் ‘உரிமைக்​குரல்’ உள்ளிட்ட சங்கங்கள் சார்​பில் நேற்று முன்​தினம் ஆர்ப்​பாட்டம் நடைபெற்​றது. இதன் தொடர்ச்​சியாக விதி​மீறும் பைக் டாக்​சிகள் மீது நடவடிக்கை எடுக்க அறிவுறுத்தி அனைத்து வட்டார போக்கு​வரத்து அலுவலர்​களுக்​கும் போக்கு​வரத்து ஆணையர் சுன்​சோங்கம் ஜடக் சிரு சுற்​றறிக்கை அனுப்​பி​யிருந்​தார்.

இது தொடர்பாக போக்கு​வரத்​துத் துறை அமைச்சர் சா.சி.சிவசங்​கரிடம் நேற்று செய்தி​யாளர்கள் கேள்​வியெழுப்​பினர். அப்போது அமைச்சர் கூறிய​தாவது: மத்திய அரசு ஏற்கெனவே இருசக்கர வாகனத்தை வாடகை அடிப்​படை​யில் இயக்க அனுமதி வழங்கி​யிருக்​கிறது. இதுகுறித்து ஆய்வு செய்ய தமிழக போக்கு​வரத்​துத் துறை சார்​பில் குழு அமைக்​கப்​பட்​டுள்​ளது. ஆட்டோ ஓட்டுநர்கள் சார்​பில் எதிர்ப்பும் இருக்​கிறது. விபத்து நேரிட்​டால் காப்​பீடு பெறு​வ​தில் சிக்கல் எழுகிறது. எனவே, பயணி​களின் பாது​காப்பை உறுதி செய்​யும் வகையில் ஆணையர் உத்தரவு பிறப்​பித்​துள்ளார். இவ்வாறு அவர் தெரி​வித்​தார்.

தொடர்ந்து போக்கு​வரத்​துத் துறை​யின் நஷ்டம் குறித்த கேள்விக்கு, “டீசல் விலை உயர்ந்​த​போதும், அரசு பேருந்​துகளில் கட்டணம் உயர்த்​தப்​பட​வில்லை. அண்டை மாநிலங்​களில் கி.மீ-க்கு ரூ.1.08 வசூலிக்​கப்​படு​கிறது. இங்கு 52 காசு மட்டுமே வசூலிக்​கப்​படு​கிறது. எனவே, நஷ்டம் வருவது இயற்கை. அதை அரசு ஈடு செய்​கிறது” என்றார். முன்னதாக வாரிசு நியமன ஆணைகளை வழங்கிய அமைச்​சர், மோட்​டார் வாகன பராமரிப்புத் துறையை கணினிமய​மாக்​கும் திட்​டத்​தை​யும் தொடங்கி வைத்​தார்.