தமிழகத்தில் ஓரிரு இடங்​களில் டிச.10-ம் தேதி வரை மிதமான மழை பெய்ய வாய்ப்பு

சென்னை: தமிழகம் நோக்கி வீசும் கிழக்கு திசை காற்றில் வேக மாறு​பாடு ஏற்பட்​டுள்​ளது. இதன் காரண​மாக, ஓரிரு இடங்​களில் வரும் 10-ம் தேதி வரை மிதமான மழை பெய்ய வாய்ப்பு உள்ளது.

இதுதொடர்பாக சென்னை வானிலை ஆய்வு மையம் வெளி​யிட்ட செய்திக்​குறிப்​பில் கூறி​யிருப்​ப​தாவது: தமிழகம் நோக்கி வீசும் கிழக்கு திசை காற்றில் வேக மாறு​பாடு ஏற்பட்​டுள்​ளது. இதன் காரண​மாக, டிசம்பர் 5-ம் தேதி (இன்று) முதல் 10-ம் தேதி வரை தமிழகத்​தில் ஓரிரு இடங்​களில் லேசானது முதல் மிதமான மழை பெய்​யக்​கூடும்.

சென்னையில் பனிமூட்டம் சென்னை மற்றும் புறநகர் பகுதி​களில் இன்று வானம் ஓரளவு மேகமூட்​டத்​துடன் காணப்​படும். நகரின் ஒருசில பகுதி​களில் அதிகாலை வேளை​யில் லேசான பனிமூட்டம் காணப்​படும். நேற்று காலை 8.30 மணி வரையிலான 24 மணி நேரத்​தில் அதிகபட்​சமாக தஞ்சாவூர் மாவட்டம் பூதலூர், திருச்சி மாவட்டம் துவாக்​குடி​யில் 5 செ.மீ. மழை பதிவாகி​யுள்​ளது.

நீலகிரி மாவட்டம் குன்னூர், கேத்தி, அழகரை எஸ்டேட், கடலூர் மாவட்டம் கீழச்​செரு​வை​யில் 3 செ.மீ. நீலகிரி மாவட்டம் கின்னக்​கோரை, கோத்​தகிரி, உதகை, குந்தா பாலம், கடலூர் மாவட்டம் தொழுதூர், பெரம்​பலூர் மாவட்டம் தழுதலை, அகரம் சீகூர், திரு​வாரூர் மாவட்டம் குடவாசல், திருச்சி மாவட்டம் தென்​பரநாடு, கிருஷ்ணகிரி மாவட்டம் தேன்​க​னிக்​கோட்டை, தஞ்சாவூர் மாவட்டம் கல்லணை​யில் 2 செ.மீ. மழை ப​திவாகி​யுள்​ளது. இவ்​வாறு அந்த செய்திக் குறிப்பில் கூறப்​பட்​டுள்​ளது.