பொதுமக்களின் கோரிக்கை மனு மீது ஒரு மாதத்துக்குள் தீர்வு: ஆட்சியர்களுக்கு தலைமை செயலர் அறிவுறுத்தல்

சென்னை: பொது​மக்​களால் வழங்​கப்​படும் கோரிக்கை மனுக்​களுக்கு ஒரு மாதத்​துக்​குள் தீர்​வுகாண வேண்​டும். அல்லது, நிராகரிக்கப்​படு​வதற்கான விளக்கத்தை அளிக்க வேண்​டும் என்று மாவட்ட ஆட்சி​யர்​கள், துறைகளின் செயலர்​களுக்கு தலைமைச்​ செயலர் நா.முரு​கானந்தம் அறிவுறுத்​தி​யுள்​ளார்.

இதுகுறித்து அவர் எழுதி​யுள்ள கடிதத்​தில் கூறி​யிருப்​ப​தாவது: ‘மக்கள் குறைதீர் நாளில்’ மாவட்ட ஆட்சி​யர்​களிடம் அதிகள​வில் கோரிக்கை மனுக்களை மக்கள் வழங்​கு​கின்​றனர். அதேபோல், அரசுத்​துறை​களின் அலுவல​கங்​களி​லும் அதிக எண்ணிக்கையிலான கோரிக்கை மனுக்கள் பெறப்​படு​கின்றன. இவ்வாறு நேரடி​யாக​வும், ஆன்லைனிலும் பெறப்​படும் கோரிக்கை மனுக்கள் மீதான நடவடிக்கைகள் குறித்து அரசின் சார்​பில் பல்வேறு அறிவுறுத்​தல்கள் வழங்​கப்​பட்​டுள்ளன. அதன்​படி, மனுக்கள் பெறப்​பட்ட உடனேயோ அல்லது அதிகபட்சம் 3 நாட்​களுக்குள்​ளேயோ மனு பெறப்​பட்டதற்கான ஒப்புகை சீட்டை மனுதா​ரருக்கு அனுப்ப வேண்​டும்.

தீர்வு என்ன?- மனுதா​ரரின் கோரிக்கை​யானது பெறப்​பட்ட நாளில் இருந்து, அதிகபட்சம் ஒரு மாதத்​துக்​குள் தீர்க்​கப்பட வேண்​டும். கோரிக்கை தீர்க்​கப்​பட்டிருந்​தால் என்ன தீர்வு வழங்​கப்​பட்​டுள்ளது என்ப​தற்கான விவரம், நிராகரிக்​கப்​பட்​டிருந்​தால் அதற்கான காரணம் ஆகியவை மனுவில் எழுதப்​பட்​டிருக்க வேண்​டும். அரசுத் துறை​களில் கோரிக்கைகள் தொடர்பாக பொது​மக்கள் மனு அளித்​திருந்​தால், அந்த மனு மீதான நடவடிக்கைகள் அவர்​களுக்கு தெரிவிக்​கப்பட வேண்​டும். ஒருவேளை கூடுதல் காலஅவ​காசம் தேவைப்​படும் பட்சத்​தில், தீர்வு காண எவ்வளவு காலம் தேவைப்​படும் என்பதை மனு அளித்த நபருக்கு கடிதம் மூலம் தெரிவிக்க வேண்​டும்.

ஒருவேளை, பொது​மக்​களின் கோரிக்கையை ஏற்க​முடியாத சூழல் கண்டறியப்​பட்​டால், அதுகுறித்த சரியான காரணத்தை சம்பந்​தப்​பட்ட மனுதா​ரருக்கு ஒரு மாதத்​துக்​குள் தெரிவிக்க வேண்​டும். இந்த அறிவுறுத்​தல்களை அனைத்து துறை​களின் செயலர்​கள், துறைத் தலைவர்​கள், மாவட்ட ஆட்சி​யர்கள் மற்றும் அனைத்து அரசு அலுவல​கங்​களும் பின்​பற்​றவேண்​டும்.

பின்​பற்​றப்படுவதில்லை: இதுதொடர்பாக அவ்வப்​போது அரசு அறிவுறுத்தல்களை வழங்கி வருகிறது. இருப்​பினும், அவை முறை​யாகப் பின்​பற்​றப்​படு​வ​தில்லை என தெரிய வருகிறது. மேலும், சமீபத்​தில் சென்னை உயர் நீதி​மன்​ற​மும், பொது​மக்கள் கோரிக்கைகள் மீது நடவடிக்கை எடுக்​கப்​படாமல் இருப்பதை சுட்​டிக்​காட்​டி​யுள்​ளது. எனவே, அரசின் உத்தர​வு​களில் கூறப்​பட்​டுள்​ளவற்றை கண்​டிப்பாக பின்​பற்றுவதுடன், ​மா​தாந்திர அறிக்கை​யும் அளிக்க வேண்​டும். இவ்​வாறு அவர் கடிதத்​தில் அறி​வுறு​த்​தி​யுள்​ளார்​.