ஏரி ஆக்கிரமிப்பு விவகாரத்​தில் தச்சு தொழிலாளி தற்கொலைக்கு நியாயம் கேட்டு 500-க்​கும் மேற்​பட்​டோர் சாலை மறியல்

பூந்​தமல்லி: திரு​வேற்​காடு கோலடி ஏரி ஆக்கிரமிப்பு விவகாரத்​தில் தச்சு தொழிலாளி தற்கொலைக்கு நியாயம் கேட்டு 500-க்​கும் மேற்​பட்​டோர் மேற்​கொண்ட சாலை மறியல் போராட்டம் 7 மணி நேரம் நீடித்​தது. திரு​வள்​ளூர் மாவட்​டம், திரு​வேற்​காடு நகராட்சி பகுதி​யில் உள்ள 169 ஏக்கர் பரப்​பளவு கொண்ட கோலடி ஏரி, ஆக்கிரமிப்பு காரணமாக 112 ஏக்கராக குறைந்​துள்ளது. அவ்வாறு பரப்​பளவு குறைந்​துள்ள ஏரி பகுதி​யும் நாளுக்கு நாள் ஆக்கிரமிப்​புக்​குள்​ளாகி வந்தது.

இதைத் தொடர்ந்து கோலடி ஏரியை ஆக்கிரமித்​துள்ள 1,263 வீடுகளை அகற்ற முடிவு செய்து நீர்வள ஆதாரத்​துறை​யினர் நோட்​டீஸ் ஒட்டினர். இதனால் மிகுந்த மன உளைச்​சலில் இருந்த கோலடி- செல்​லி​யம்மன் நகரை சேர்ந்த தச்சு தொழிலா​ளியான சங்கர்​(43), கடந்த 17-ம் தேதி தன் வீட்​டில் தூக்​கிட்டு தற்கொலை செய்து கொண்​டார்.

மேலும், வீடுகளை அகற்ற நீர்வள ஆதாரத் துறை​யினர் நோட்​டீஸ் ஒட்டிய​தால் தன் கணவர் தற்கொலை செய்து கொண்​டதாக சங்கரின் மனைவி திரு​வேற்​காடு காவல் நிலை​யத்​தில் புகார் அளித்​துள்ளார். இதுகுறித்து திரு​வேற்​காடு போலீ​ஸார் வழக்கு பதிவு செய்து விசா​ரித்து வருகின்​றனர்.

இந்நிலை​யில், சங்கர் உயிரிழப்​புக்கு நியாயம் கேட்டும், கோலடி ஏரி ஆக்கிரமிப்புகளை அகற்றும் நடவடிக்கைகளை கைவிடக் கோரி​யும் கோலடி, திரு​வேற்​காடு-அம்பத்​தூர் சாலை​யில் நேற்று 500-க்​கும் மேற்​பட்டோர் காலை 9 மணி முதல் சாலை மறியலில் ஈடுபட்​டனர்.

போராட்​டத்​தில் ஈடுபட்​ட​வர்​களிடம், திரு​வள்​ளூர் கோட்​டாட்​சியர் கற்பகம், ஆவடி காவல் துணை ஆணையர் ஐமான் ஜமால், திரு​வேற்​காடு நகராட்சி தலைவர் என்.இ.கே.மூர்த்தி உள்ளிட்​டோர் பேச்சு​வார்த்தை நடத்​தி​யும் பலனில்லை. மாறாக, அமைச்சர் சா.மு.நாசர், மாவட்ட ஆட்சியர் நேரில் வரவேண்​டும் என கோரி பொது​மக்கள் தொடர்ந்து போராட்​டத்​தில் ஈடுபட்​டனர்.

அப்போராட்டம் மாலை 4 மணி வரை நீடித்த வண்ணம் இருந்​தது. இதையடுத்து, ஆவடி கூடுதல் காவல் ஆணையர் ராஜேந்​திரன் தலைமை​யில், பாது​காப்பு பணியில் ஈடுபட்ட இருநூறுக்​கும் மேற்​பட்ட போலீ​ஸார், சாலை மறியலில் ஈடுபட்​டோரை வலுக்​கட்​டாயமாக கைது செய்​யும் நடவடிக்கை​களில் ஈடுபட்​டனர். இதில், கைதான நூற்றுக்​கும் மேற்​பட்​டோர், தனியார் திருமண மண்டபத்​தில் தங்க வைக்​கப்​பட்​டனர். மற்றவர்கள் அங்கிருந்து கலைந்து சென்​றனர்.

தொடர்ந்து, நாம் தமிழர் கட்சி​யின் தலைமை ஒருங்​கிணைப்​பாளர் சீமான், அதிமுக​வின் திரு​வள்​ளூர் தெற்கு மாவட்ட செயலாளர் அலெக்​சாண்டர் உள்ளிட்​டோர், சங்கரின் உறவினர்​களுக்கு ஆறுதல் கூறினர்.