செங்கல்பட்டு அரசு மருத்துவமனையில் மேலும் ஒரு நுழைவாயில் மூடல்!

செங்கல்பட்டு: செங்​கல்​பட்டு அரசு மருத்துவ​மனை​யில் தாய் வார்​டுக்கு செல்​லும் நுழை வாயிலுக்கு மருத்​துவமனை நிர்​வாகம் பூட்டு போட்டுள்ளதால் அவசர சிகிச்​சைக்கு வருபவர்கள் கடும் அவதி​யடைந்​துள்ளனர். செங்​கல்​பட்டு அரசு மருத்​துவக் கல்லூரி மருத்​துவ​மனை​யில் நாள்​தோறும் ஆயிரக்​கணக்​கானோர் உள் நோயாளி​யாக​வும், புற நோயாளி​யாக​வும் சிகிச்சை பெற்று வருகின்​றனர்.

அவசர சிகிச்சை பிரிவு, பொது மருத்​துவம், குழந்தை நல மருத்​துவம், மகப்​பேறு மருத்​துவம் உள்ளிட்ட பல்வேறு துறை சார்ந்த மருத்துவ சிகிச்​சைகள் பொது​மக்​களுக்கு அளிக்​கப்​படு​கிறது.

மருத்​துவமனை வளாகத்​தில் 5 நுழை வாயில்கள் உள்ள நிலை​யில் அவற்றில் 2 கேட் நிரந்​தரமாக மூடப்​பட்​டுள்ளது. பழைய நுழைவாயி​லில் நிர்​வாகம் சார்ந்த பணியாளர்கள் மட்டும் நடந்து செல்ல அனும​திக்​கப்​பட்​டுள்​ளனர்.

பொன்​விழா நுழைவாயில், பிரதான நுழைவாயிலாக உள்ளது. மேலும் தாய் வார்டு எனப்​படும் அவசர சிகிச்சை பிரிவுக்கு செல்​லும் பகுதி​யில் ஒரு நுழைவு வாயில் உள்ளது. இதனை மருத்​துவமனை நிர்​வாகம் திடீரென மூடி​யுள்​ளனர்.

இதுகுறித்து வல்லம் பகுதியை சேர்ந்த சந்திரன் என்பவர் கூறிய​தாவது: தாய் வார்டு எனப்​படும் அவசர சிகிச்சை பிரிவுக்கு செல்​லும் வழியில் உள்ள நுழைவாயில் மூடப்​பட்​ட​தால், அவசர சிகிச்​சைக்காக வருபவர்கள் பொன்​விழா நுழைவாயில் வழியாக மட்டுமே வர முடி​யும். சுமார் 2 கிலோ மீட்டர் சுற்றிவர வேண்டி உள்ளது.

ஆயிரக்​கணக்​கானோர் சிகிச்சை பெறும் பொது மருத்​துவ​மனை​யில் உள்ள 4 நுழைவாயில்​களும் மூடப்​பட்ட நிலை​யில் ஒரு கேட் வழியாக மட்டுமே மக்​களும் சிகிச்​சைக்கு வருபவர்​களும் அனும​திக்​கப்​படு​வ​தால் அவசர​காலங்களில் உயிரிழப்புகள் ஏற்பட​க்கூட வாய்ப்பு இருக்​கிறது. எனவே, மருத்​துவமனை நிர்​வாகத்​தினர் அவசர சிகிச்சை பிரிவு பகுதியில் உள்ள நுழைவா​யிலை உடனடியாக ​திறக்க வேண்​டும் என்றார்.