ஈரோடு - சென்னை தீபாவளி சிறப்பு ரயில் ரத்து

சேலம்: தீபாவளி பண்டிகையைக் கொண்டாடுவதற்காக வெளியூர்களில் வசிக்கும் மக்கள், தங்கள் சொந்த ஊர்களுக்கு திரும்புவதற்கு வசதியாக சிறப்பு பேருந்துகள் மற்றும் சிறப்பு ரயில்கள் இயக்கப்பட்டு வருகின்றன.

அந்த வகையில் சேலம் வழியாக, ஈரோடு- சென்னை சென்ட்ரல் இடையே இரு மார்க்கத்திலும் முன்பதிவற்ற அதிவிரைவு சிறப்பு ரயில் இன்று (30-ம் தேதி), நாளை மற்றும் வரும் 3-ம் தேதி ஆகிய நாட்களில் இயக்கப்படும் என்று சேலம் ரயில்வே கோட்டம் சார்பில் அறிவிக்கப்பட்டிருந்தது.

இந்நிலையில், ஈரோடு-சென்னை சென்ட்ரல்-ஈரோடு ( எண். 06094 / 06093) முன்பதிவற்ற அதிவிரைவு சிறப்பு ரயிலின் இயக்கம் ரத்து செய்யப்பட்டுள்ளதாக, சேலம் ரயில்வே கோட்டம் தெரிவித்துள்ளது.