ஓமன் கடலில் காணாமல் போன தமிழக நபர்: அண்ணாமலையுடன் குடும்பத்தினர் சந்திப்பு

சென்னை: ஓமன் நாட்டு கடலில் காணாமல் போன தனஞ்செயன் குடும்பத்தினர் தமிழக பாஜக மாநில தலைவர் அண்ணாமலையை சந்தித்துள்ளனர்.

கடலூர் மாவட்டத்தைச் சேர்ந்தவர் தனஞ்செயன் (32). துபாயில் பிரஸ்டீஜ் பால்கான் என்ற கப்பல் கடந்த ஜூலை மாதம்14ஆம் தேதி அன்று ஓமனில் கடலில் மூழ்கியது. இதில் தனஞ்செயனும் இருந்திருக்கிறார். கப்பலில் இருந்து இரண்டு சிறிய படகுகளில் தப்பிய ஆறு மீனவர்களின் நிலை என்னவென்று இதுவரை தெரியவில்லை.

இதனால், தனஞ்செயன் குடும்பத்தை சேர்ந்த அவருடைய மனைவி, அவருடைய தந்தை மற்றும் குடும்பத்தினர் பாஜக மாநிலத் தலைவர் அண்ணாமலையை சென்னை கமலாலயத்தில் சந்தித்து, அவரை மீட்டுத்தரும்படி கோரிக்கை வைத்தனர். இந்த நிகழ்வில் மாநில செயலாளர் சதீஷ்குமார், மாநில மீனவர் அணி தலைவர் முனுசாமி ஆகியோர் உடன் இருந்தனர்.