புரோ கபடி லீக்: தபாங் டெல்லி - பெங்கால் வாரியர்ஸ் அணிகள் இன்று மோதல்!

இன்று புரோ கபடி லீக் போட்டியில் தபாங் டெல்லி - பெங்கால் வாரியர்ஸ் அணிகள் மோதுகின்றன.

கடந்த அக்டோபர் 18ம் தேதி 11வது புரோ கபடி லீக் தொடர் ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2வது கட்ட லீக் ஆட்டங்கள் நொய்டாவிலும் நடைபெற்று முடிந்துள்ளன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வரும் நிலையில் இன்று 2 லீக் ஆட்டங்கள் நடைபெறுகின்றன. அதில் இன்று இரவு 8 மணிக்கு தொடங்கும் ஆட்டத்தில் தபாங் டெல்லி - பெங்கால் வாரியர்ஸ் அணிகள் மோத உள்ளன. தொடர்ந்து இரவு 9 மணிக்கு தொடங்கும் மற்றொரு ஆட்டத்தில் பாட்னா பைரேட்ஸ் - புனேரி பால்டன் அணிகள் மோதுகின்றன.