அலறவிட்ட ஆஸ்திரேலிய அணி: முதல் டெஸ்ட் போட்டியில் 150 ரன்களில் இந்தியா ஆல் அவுட்!

பெர்த்: ஆஸ்திரேலிய அணிக்கு எதிரான டெஸ்ட் போட்டியின் முதல் இன்னிங்ஸில் இந்திய அணி 150 ரன்களுக்கு ஆல் அவுட் ஆனது

இந்தியா - ஆஸ்திரேலியா அணிகள் இடையிலான முதல் டெஸ்ட்கிரிக்கெட் போட்டி பெர்த் நகரில் இன்று தொடங்​கியது. 5 டெஸ்ட் போட்​டிகள் கொண்ட பார்டர் - கவாஸ்கர் டிராபி தொடரில் விளை​யாடு​வதற்காக இந்திய அணி, ஆஸ்திரேலி​யா​வில் சுற்றுப்​பயணம் மேற்​கொண்​டுள்​ளது. இதன் முதல் டெஸ்ட் போட்டி பெர்த் நகரில் உள்ள ஆப்டஸ் மைதானத்​தில் இன்று தொடங்​கியது. முதல் டெஸ்ட் போட்​டி​யில் ரோஹித் சர்மா விளை​யாடாத​தால் இந்திய அணியானது வேகப்​பந்து வீச்​சாளரான ஜஸ்பிரீத் பும்ரா தலைமை​யில் களமிறங்​கியது.

ஆஸ்திரேலிய மண்ணில் 2018-19 மற்றும் 2020-21-ம் ஆண்டு​களில் நடைபெற்ற டெஸ்ட் தொடர்களை இந்திய அணி வென்​றிருந்​தது. இதனால் இம்முறை​யும் இந்திய அணி மீது எதிர்​பார்ப்பு உள்ளது. சமீபத்​தில் சொந்த மண்ணில் நியூஸிலாந்து அணிக்கு எதிரான டெஸ்ட் தொடரை 3-0 என இழந்த நிலை​யில், ஆஸ்திரேலி​யா​வுக்கு எதிரான டெஸ்ட் தொடரை சந்தித்தது இந்திய அணி.

பெர்த்தில் நடக்கும் முதல் டெஸ்ட் போட்டியில் டாஸ் வென்று பேட்டிங்கை தேர்வு செய்த இந்திய அணியின் தொடக்க ஆட்டக்காரர்களாக ஜெய்ஸ்வால் மற்றும் கே.எல்.ராகுல் களமிறங்கினர். அணியின் ஸ்கோர் 5 ஆக இருந்தபோது ஜெய்ஸ்வால் டக் ஆகி அதிர்ச்சி கொடுத்தார். தொடர்ந்து படிக்கலும் டக் அவுட் ஆனார். இதனையடுத்து ஹாசில் வுட்டின் பந்துவீச்சில் தாக்குபிடிக்க முடியாமல் இந்திய அணி திணறியது. விராட் கோலி 5 ரன்னிலும், கேஎல் ராகுல் 26 ரன்களிலும், ஜூரல் 11 ரன்களிலும், சுந்தர் 4 ரன்களிலும் ஆட்டமிழந்தனர்.

பின்னர் கொஞ்சம் நிதானமாக ஆடிய ரிஷப் பந்த் 37 ரன்களில் ஆட்டமிழந்தார். தொடர்ந்து ராணா 7 ரன்களிலும், பும்ரா 8 ரன்களிலும் ஆட்டமிழக்க, கடைசி நேரத்தில் நம்பிக்கை கொடுத்த நிதிஷ் குமார் ரெட்டி 41 ரன்களில் அவுட்டானார். இதனால் இந்திய அணி 49.4 ஓவர்களில் 150 ரன்களுக்கு ஆல் அவுட் ஆனது. ஆஸ்திரேலிய அணி தரப்பில் ஹாசில்வுட் 4 விக்கெட்டுகளையும், ஸ்டார்க், கம்மின்ஸ், மார்ஸ் தலா 2 விக்கெட்டுகளையும் வீழ்த்தினர். இதனையடுத்து ஆஸ்திரேலிய அணி முதல் இன்னிங்ஸில் ஆடி வருகிறது.