ஆசிய சாம்​பியன்ஸ் டிராபி ஹாக்கி: அரை இறுதியில் இந்திய அணி

ராஜ்கிர்: மகளிர் ஆசிய சாம்​பியன்ஸ் டிராபி ஹாக்கி போட்​டி​யின் லீக் போட்​டி​யில் ஜப்பானை வீழ்த்தி இந்திய அணி அரை இறுதிச் சுற்றில்
நுழைந்​துள்ளது.

இந்தப் போட்டி பிஹார் மாநிலம் ராஜ்கிர் நகரில் நடைபெற்று வருகிறது. இந்நிலை​யில் நேற்று நடைபெற்ற கடைசி லீக் ஆட்டத்​தில் இந்தியா, ஜப்பான் அணிகள் மோதின. இதில் இந்திய அணி 3-0 என்ற கோல் கணக்கில் ஜப்பான் அணியைத் தோற்​கடித்​தது. இந்திய அணி சார்​பில் தீபிகா 47, 48-வது நிமிடங்​களில் 2 கோல்​களும், துணை கேப்டன் நவ்நீத் கவுர் (37-வது நிமிடம்) ஒரு கோலும் அடித்து அணிக்கு வெற்றி தேடித்தந்தனர்.

இந்த வெற்றி​யின் மூலம் 15 புள்​ளி​களைப் பெற்ற இந்திய அணி அரை இறுதிக்​குத் தகுதி பெற்​றது. வரும் 19-ம் தேதி நடைபெறும் முதல் அரை இறுதியில் இந்தியா, 4-வது இடத்​தைப் பிடித்த ஜப்பான் அணியுடன் மோதவுள்​ளது.