உலக கேரம் போட்டி: காசிமாவுக்கு 3 தங்கம்

சென்னை: உலக கேரம் போட்​டி​யில் இந்தியா​வின் சார்​பில் பங்கேற்ற சென்னை வீராங்கனை காசிமா 3 தங்கப் பதக்​கங்கள் வென்றுள்​ளார்.

அமெரிக்​கா​வின் கலிபோர்னியா மாகாணத்தில் நடைபெற்ற ஆறாவது உலக கோப்பை கேரம் சாம்​பியன்​ஷிப் போட்​டி​யில் இந்தியா​வின் சார்​பில் காசிமா (17) உள்ளிட்​டோர் பங்கேற்​றனர். இந்தப் போட்​டி​யில் மகளிர் தனிநபர், இரட்​டையர் பிரிவு, குழு பிரிவு என 3 பிரிவு​களி​லும் காசிமா சாம்​பியன் பட்டம் வென்​றுள்​ளார். இதன்​மூலம் அவர் 3 தங்கப் பதக்​கங்​களைக் கைப்​பற்றி​யுள்​ளார்.

இவர் சென்னை புது வண்ணாரப்​பேட்டை சேர்ந்த ஆட்டோ ஓட்டுநரின் மகள் ஆவார். இந்தப் போட்​டி​யில் இந்தியா​வின் சார்​பில் தமிழகத்​தைச் சேர்ந்த காசிமா, நாகஜோதி, மித்ரா உள்ளிட்​டோர் பங்கேற்று இருந்​தனர்.

முதல்வர் வாழ்த்து: இந்நிலையில் தங்கம் வென்ற காசிமாவுக்கு தமிழக முதல்வர் மு.க.ஸ்டாலின், துணை முதல்வர் உதயநிதி ஸ்டாலின் உள்ளிட்டோர் வாழ்த்துகளைத் தெரிவித்துள்ளனர்.