சென்னை: இஸ்கான் சார்பில் டிசம்பர் 15ம் தேதி கீதா ஜெயந்தி விழா!

சென்னை: இஸ்கான் சார்பில் கீதா ஜெயந்தி விழா டிசம்பர் 15ம் தேதி கொண்டாடப்படுகிறது.

இதுகுறித்து சென்னை இஸ்கான் வெளியிட்டுள்ள செய்திக்குறிப்பில் கூறப்பட்டிருப்பதாவது, ‘கீதா ஜெயந்தி என்பது குருஷேத்திரப் போர்களத்தில் அர்ஜூனருக்கு பகவான் கிருஷ்ணர் பகவத் கீதையின் நிலை நுண்ணறிவுகளை வெளிப்படுத்திய புனித நிகழ்வை குறிக்கிறது. அந்த வகையில் கீதா ஜெயந்தி என்பது பகவத் கீதையின் பிறந்த நாளாக கொண்டாடப்படும் புனித நாள். இந்த ஆண்டு புனித நாள் டிசம். 11ம் தேதி வரும் நிலையில், இஸ்கான் சார்பில் அனைத்து பக்தர்களும், ஆன்மிக வாதிகளும் பங்கேற்க வசதியாக டிச.15ம் தேதி கிழக்கு கடற்கரை சாலை அக்கரையில் உள்ள இஸ்கான் கோயிலில் கீதா ஜெயந்தி விழா கொண்டாடப்படுகிறது.

அதன்படி, டிச.15ம் தேதி காலை 10.30 மணிக்கு கீதா யஜ்ஞா(பகவத் கீதையின் 108 ச்லோகங்களை குருகுலம் பண்ணல்), 11.30 மணிக்கு கீதா உபன்யாசம் (பகவத் கீதையின் நிலைநிலை அறிவு பற்றிய உந்துதல் உரை), மதியம் 12.30 மணிக்கு மஹா ஆரத்தி (ஆன்மிக பிராத்தனைகள் மற்றும் கீர்த்தனைகள்), மதியம் 1 மணிக்கு சாப்பாட்டு பிரசாதம் (பரிமளமிக்க, புனிதமாக்கப்பட்ட சைவ உணவுகள்) பக்தர்கள் வழங்குதல் உள்ளிட்ட நிகழ்ச்சிகள் நடைபெறுகிறது’ என்று தெரிவிக்கப்பட்டுள்ளது