பல தலைமுறைகளாக தசராவுக்கு ராவணன் சிலைகளை உருவாக்கும் முஸ்லிம் குடும்பம்: உ.பி ஆச்சர்யம்!

உத்தரப் பிரதேசம்: பல தலைமுறைகளாக ராம்பூரில் உள்ள ஒரு முஸ்லிம் குடும்பம் தசரா விழாவுக்காக உருவ பொம்மைகளை உருவாக்கி வருகிறது. இவர்கள் இந்த ஆண்டு, தசராவுக்காக 80 அடி அளவில் ராவணனின் மிகப்பெரிய சிலையை உருவாக்கியுள்ளனர்.

ராவணனின் உருவ பொம்மைகளை உருவாக்குவது தாதா இலாஹியின் வேலை என்று உருவ பொம்மைகளை உருவாக்கும் குடும்பத் தலைவர் மும்தாஜ் கான் கூறியுள்ளார். அவருடைய தாத்தா, அப்பா மற்றும் இப்போது அவருடைய பிள்ளைகள் இந்த வேலையைச் செய்கிறார்கள்.

இதுகுறித்து பேசிய அவர், “என் தாத்தா இந்த வேலையை செய்தார், என் தந்தையும் செய்தார், இப்போது என் குழந்தைகள் செய்கிறார்கள். இந்த பணி 60-70 ஆண்டுகளாக தொடர்கிறது. நாங்கள் ராவணன் சிலை செய்வதில் சம்பாதிப்பதில்லை. நாங்கள் நேரம் கடந்து கடினமாக உழைக்கிறோம். நான் முர்தாபாத், அக்பன்பூர், ஃபதேபூர், ரமணா மற்றும் ஹாப்பூர் ஆகிய இடங்களில் சிலைகளை உருவாக்க கடினமாக உழைத்தேன். இப்போது நான் ராம்சிங், மிலாக், ராதாகமோட் மற்றும் ஜ்வாலாநகர் ஆகிய இடங்களில் சிலைகளை உருவாக்குகிறேன்.

கமிட்டி உறுப்பினர்களும் பணத்தை அதிகரிக்கவில்லை. இந்த முறை மிகப்பெரிய ராவணன் சிலை 80 அடி உயரத்தில் செய்யப்பட்டுள்ளது. இதில் பயன்படுத்தப்படும் துப்பாக்கி பவுடர்கள் அரசு விதிகளின்படி மாசு இல்லாதது. எல்லா பெரிய அதிகாரிகளிடமும் லைசென்ஸ் பெற்றுள்ளோம்” என்று அவர் கூறினார்.

இந்த முஸ்லிம் குடும்பம் பல தலைமுறைகளாக ராம்பூரில் தசராவுக்காக ராவணனின் உருவ பொம்மைகளை தயாரித்து வருகிறது. இந்த முறை உத்தரபிரதேசம், ஹரியானா மற்றும் பஞ்சாப் ஆகிய மாநிலங்களில் இருந்து இவர்களுக்கு சிலைகளுக்கான ஆர்டர்கள் வந்துள்ளன என தெரிவிக்கின்றனர்.