-
-
-
Loading
தெலங்கானா தேர்தல் பிரச்சாரத்திற்கு மத்தியில் பிரதமர் நரேந்திரமோடி, திருப்பதி வெங்கடாஜலபதியை இன்று காலை தரிசனம் செய்து வழிபட்டார்.
தெலங்கானா மாநில சட்டப் பேரவைத் தேர்தல் வரும் 30-ம் தேதி நடைபெறுகிறது. இங்கு ஆளும் பாரத் ராஷ்டிர சமிதி (பிஆர்எஸ்), காங்கிரஸ், பாஜக இடையே மும்முனை போட்டி நிலவுகிறது. தேர்தல் பிரச்சாரம் இறுதிக் கட்டத்தை நெருங்கியுள்ளதால் அனைத்து கட்சி தலைவர்களும் போட்டி போட்டுக்கொண்டு தீவிர வாக்குசேகரிப்பில் ஈடுபட்டு வருகின்றனர்.
பிஆர்எஸ் சார்பில் முதல்வர் சந்திரசேகர் ராவ், காங்கிரஸ் சார்பில் ராகுல், பிரியங்கா காந்தி, பாஜக சார்பில் பிரதமர் நரேந்திர மோடி, உள்துறை அமைச்சர் அமித் ஷா போன்ற முக்கிய தலைவர்கள் மக்களைச் சந்தித்து தங்கள் கட்சி வேட்பாளர்களுக்கு ஆதரவு திரட்டி வருகின்றனர்.
தெலங்கானாவில் கடந்த 25-ம் தேதி முதல் 3 நாள் சுற்றுப் பயணமாக பிரச்சாரம் மேற்கொண்டு வரும் பிரதமர் நரேந்திர மோடி, தேர்தல் பிரசாரத்திலிருந்து சற்று இடைவெளி எடுத்துக் கொண்டு ஆந்திரா மாநிலம் திருப்பதி - திருமலையில் உள்ள ஏழுமலையான் கோயிலுக்கு இன்று காலை வந்தார்.
வெங்கடாஜலபதியைத் தரிசத்த அவர் கோயில் வளாகத்தில் வலம் வரும் புகைப்படம், வீடியோ அனைவரது கவனத்தையும் ஈர்த்து வருகிறது. பிரதமர் வருகையையொட்டி திருப்பதி, திருமலையில் பாதுகாப்பு பலப்படுத்தப்பட்டது.
இதையும் வாசிக்கலாமே...
