பாழடைந்த தங்கும் விடுதி - பயத்தில் வேதகிரீஸ்வரர் கோயில் பக்தர்கள்!

திருக்​கழுக்​குன்றம் வேதகிரீஸ்​வரர் மலைக்​கோயி​லின் கிரிவலப்​பாதை​யில் பாழடைந்த நிலை​யில் அமைந்​துள்ள பக்தர்கள் தங்கும் விடு​தியை இடித்து அகற்றி​விட்டு, புதிதாக கட்ட வேண்​டும் என பக்தர்கள் மற்றும் உள்ளூர் பொது​மக்கள் கோரிக்கை விடுத்துள்ளனர். செங்​கல்​பட்டு மாவட்டம் திருக்​கழுக்​குன்றம் நகரின் மையப்​பகு​தி​யில் பிரசித்தி பெற்ற வேதகிரீஸ்​வரர் மலைக்​கோ​யில் அமைந்​துள்ளது.

மலை மீது சுயம்பு மூர்த்தியாக சுவாமி வேதகிரீஸ்வரர் அருள்​பாலிப்​ப​தால், பவுர்ணமி நாட்​களில் பக்தர்கள் மலையை கிரிவலம் வருகின்​றனர். மேலும், மலை கோயி​லின் அடிவாரத்​தில் அமைந்​துள்ள கோயி​லில் பக்தவச்​சலேஸ்​வரர் மற்றும் திரிபுரசுந்தரி அம்பாள் ஆகியோர் அருள்​பாலித்து வருகின்​றனர்.

இக்கோயி​லில், வெளி​மாவட்​டங்கள் மற்றும் வடமாநிலங்​களில் இருந்து நாள்​தோறும் ஏராளமான பக்தர்கள் சுவாமி தரிசனம்
செய்​வதற்காக இங்கு வந்து செல்​கின்​றனர். ஆனால், வெளியூரில் இருந்து வரும் பக்தர்கள் தங்கி செல்​வதற்கு போதிய அடிப்படை வசதிகள் ஏற்படுத்​தப்​படாமல் உள்ளது.

இந்நிலை​யில், கடந்த 2008-ம் ஆண்டு தன்னிறைவு திட்​டத்​தில் மலைக்​கோயி​லின் கிரிவலப்​பாதை​யில் 8 அறைகளுடன் கூடிய பக்தர்கள் தங்கும் விடு​திகள் அமைக்​கப்​பட்டன. ஆனால், விடு​தியை கோயில் நிர்​வாகம் முறையாக பராமரிக்​காத​தால் சில மாதங்​களி​லேயே விடுதி அறையில் உள்ள குடிநீர் குழாய், கழிவறை போன்ற அடிப்படை வசதிகள் சேதமடைந்து பக்தர்கள் பயன்​படுத்த முடியாத நிலை ஏற்பட்​டது.

மேலும், விடுதி வளாகத்தை சுற்றி சுற்றுச்​சுவர் இல்லாத​தால் மது அருந்​துதல் உட்பட பல்வேறு சமூக விரோத செயல்கள் அரங்​கேறி வருவதாக உள்ளூர் மக்கள் தொடர்ந்து புகார் தெரி​வித்து வருகின்​றனர். இதனால், கிரிவலம் வரும் பெண் பக்தர்கள் அப்பகு​தியை கடந்து செல்ல அச்சப்​படும் நிலை ஏற்பட்​டுள்​ளது.

இந்நிலை​யில், விடு​தியை சீரமைத்து புதுப்​பிப்​ப​தற்காக கோயில் நிர்​வாகம் நடவடிக்கை எடுத்து வருவதாக கூறப்​படு​கிறது. இதற்​காக, கோயில் நிர்​வாகம் ரூ.4.50 லட்சம் மதிப்​பில் திட்​டம​திப்​பீடு தயாரித்து அரசின் ஒப்பு​தலுக்கு அனுப்​பப்​பட்​டுள்ளதாக கூறப்​படு​கிறது. ஆனால், விடு​தி​கட்​டிடம் மிகவும் சேதமடைந்​துள்ள​தால், அவற்றை புனரமைப்​ப​தற்கு பதிலாக புதிய கட்டிடம் அமைத்​தால் மட்டுமே பக்தர்கள் அச்சமின்றி பயன்​படுத்​தும் நிலை ஏற்படும் என்று உள்ளூர் பொது​மக்கள் மற்றும் பக்தர்கள் கோரிக்கை விடுத்துள்ளனர்.

இதுகுறித்து, சமூக ஆர்வலர் கண்ணன் கூறிய​தாவது: ஆரம்ப காலத்​தில் விடுதி அறைகளில் மின்​சா​ரம், குடிநீர் குழாய், படுக்கைகள் போன்ற பல்வேறு வசதிகள் இருந்தன. ஆனால், முறையான பராமரிப்பு இல்லாத​தால் முட்​புதர்கள் மண்டி சிதிலமடைந்து காணப்​படு​கிறது. விடுதி வளாகத்​துக்கு சுற்றுச்​சுவர் இல்ல​ாததால், மது அருந்​தும் மையமாக மாறி​யுள்​ளது. மேலும், தற்போதுள்ள விடுதி கட்டிடத்​தின் மேற்​கூரை மிகவும் சேதமடைந்​துள்ளது. இதை சீரமைத்​தா​லும் மீணடும் சேதமடை​யும்.

இதனால், அரசு நிதி​யும் வீணாகும். எனவே, பழைய விடுதி கட்டிடத்தை இடித்து அகற்றி விட்டு, அதே பகு​தி​யில் பல்வேறு வசதி​களுடன் கூடிய புதிய கட்டிடத்தை அமைத்​தால், பக்தர்கள் அச்சமின்றி தங்கு​வர். மேலும், திருக்​கழுக்​குன்றம் நகரில் பெரியள​வில் விடு​திகள் இல்லாத​தால் கோயில் நிர்​வாகம் சார்​பில் விடுதி அமைக்​கலாம்.

இதன்​மூலம், வருவாய் மட்டு மின்றி பக்தர்கள் மிகவும் பயனடைவார்​கள். இது தவிர, மலை கோயி​லின் அடிவாரத்​தில் பக்தர்​களின் பொருட்களை வைப்​ப​தற்கான அறைகள் அமைத்​தால், வெளியூர் பக்தர்கள் பொருட்களை அங்கு வைத்து​விட்டு சிரமமின்றி கிரிவலம் வருவார்​கள். அதனால், பொருட்கள் வைப்பு அறையை ஏற்படுத்த அறநிலை​யத்​துறை மற்றும் கோயில் நிர்​வாகம் நடவடிக்கை எடுக்க வேண்​டும் என்றார்.

இதுகுறித்து, திருக்​கழுக்​குன்றம் வேதகிரீஸ்​வரர் கோயில் வட்டாரங்கள் கூறியதாவது: வேதகிரீஸ்​வரர்மலை ​கோ​யிலின் கிரிவலப்​பாதை​யில் பு​திய ​விடுதி கட்​டிடம் அமைப்​ப​தற்கான நட​வடிக்கைகள் எடுக்​கப்​படும். மேலும், பழைய கட்​டிடத்தை இடித்து அகற்றுவது குறித்து உயர் அதிகாரி​களின் கவனத்​துக்கு ​கொண்டு செல்​லப்​படும்​ என்​றன.