சசிகலாவின் 4 மணி நேர பேட்டி!

ஆடியோ ரிலீஸின் அடுத்த நகர்வாக, ஜெயா டிவியில் சசிகலா பேசவிருப்பதாக கடந்த இதழ் காமதேனு கட்டுரையில் சொல்லி இருந்தோம். அதற்கான பணிகள் முடிந்து, பத்திரிகையாளர் துரைகருணாவை வைத்து சசிகலாவின் பேட்டியை எடுத்துமுடித்து விட்டார்களாம். சுமார் 4 மணி நேரத்துக்கும் கூடுதலாக ஓடக்கூடிய அந்தப் பேட்டியில், தனது வாழ்க்கையில் நடந்த அத்தனை சம்பவங்களையும் ஒன்றுவிடாமல் விவரித்திருக்கிறாராம் சசிகலா. தன்னை போயஸ்கார்டனை விட்டு ஜெயலலிதா வெளியேற்றியதுகூட இருவரும் பேசிவைத்துக் கொண்டு நடத்திய நிகழ்வுதான் என்ற ரீதியில் பேசியிருக்கும் சசிகலா, எம்ஜிஆரிடம் என்னென்ன விஷங்கள் குறித்தெல்லாம் விவாதித்திருக்கிறேன் என்பது குறித்தும், எஸ்.டி.சோமசுந்தரம் உள்ளிட்டவர்களை மீண்டும் கட்சிக்குள் கொண்டுவர தான் எடுத்த முயற்சிகள் குறித்தும் விரிவாகப் பேசி இருக்கிறாராம். பேட்டி நீளமாக இருப்பதால், ஒரு மணி நேர பேட்டியாக நான்கு நாட்களுக்கு ஒளிபரப்பலாமா அல்லது அரை மணி நேர பேட்டியாக ஒரு வாரத்துக்கு ஒளிபரப்பலாமா என ஆலோசனை நடக்கிறதாம்.