அழகிரி இருக்க பயமேன்!

மு.க.அழகிரி ஆதரவாளர் வழக்கறிஞர் வீரகதிரவன். அழகிரிக்காக பல வழக்குகளில் ஆஜரானவர். திமுக தலைவர் கருணாநிதிக்கு மதுரையில் பொது இடத்தில் சிலை வைக்க நீதிமன்றத்தில் போராடியதிலும் இவருக்குப் பங்குண்டு. இதையெல்லாம் சீர்தூக்கிப் பார்த்து வீரகதிரவனை மதுரை உயர் நீதிமன்றக் கிளையில் தற்காலிக அரசு வழக்கறிஞராக நியமனம் செய்திருக்கிறது திமுக அரசு. இந்தப் பணி நிரந்தரம் செய்யப்படும்போது, தமிழக அரசின் கூடுதல் தலைமை வழக்கறிஞர் பதவி வீரகதிரவனுக்கு வழங்கப்படலாம் என்ற பேச்சு பலமாக அடிபடுகிறது.