ஹாட் லீக்ஸ்: ஈபிஎஸ் இல்லாத அதிமுக - பாஜக திட்டம்!

அண்ணன்கிட்ட வாங்கலே பாக்கலாம்!

பாஜகவை ஆதரித்து காவடி தூக்கும் விவகாரத்தில் ஜான் பாண்டியனுக்கும் டாக்டர் கிருஷ்ணசாமிக்கும் கடும் போட்டியே நடக்கிறது. கிருஷ்ணசாமியாவது தமிழகத்தை ஆண்ட திராவிடக் கட்சிகளை மட்டும் வசைபாடி பாஜகவை புகழ்ந்து தனது இருப்பை உறுதிசெய்கிறார்.

ஆனால் ஜேபியோ,  எச்.ராஜாவைவிட பெரியாரை ஒருபடி மேலாக விமர்சிப்பதுடன், குடியுரிமை திருத்தச் சட்டத்தை ஆதரித்தும் வலுவாகப் பேசுகிறார். பெரியாரை விமர்சிக்கும் ஜேபியின் கருத்துகளை சமூக வலைதளங்களில் பகிரும் அவரது ஆதரவாளர்கள், "பெரியார் பற்றிய பேச்சுக்கு ரஜினியை மன்னிப்புக் கேட்கச் சொன்ன திக, திமுகவினரே... எங்கே எங்கள் அண்ணனை மன்னிப்புக் கேட்கச் சொல்லுங்க பார்க்கலாம்" என்று வம்படியாய் சண்டைக்கு வேறு இழுக்கிறார்கள்.