வைரலாகும் ‘ஸ்குவிட் கேம்' 2-வது சீசன் டிரெய்லர்!

நெட்பிளிக்ஸ் ஓடிடி தளத்தில் கடந்த 2021-ம் ஆண்டு வெளியாகி பெரும் வரவேற்பைப் பெற்ற, சர்வைவல் த்ரில்லர் தொடர், 'ஸ்குவிட் கேம்'. தென்கொரியாவின் சிரன் பிக்சர்ஸ் தயாரித்த இந்தத் தொடர், உலகம் முழுவதும் அதிகமானோர் விரும்பிப் பார்க்கும் தொடராக அப்போது அமைந்தது. 9 எபிசோடுகளை கொண்ட இத்தொடரை, வாங் டோங் - யுக் (Hwang Dong hyuk) இயக்கி இருந்தார். வரவேற்பைப் பெற்ற இந்தத் தொடரின் அடுத்த சீசனை ரசிகர்கள் எதிர்பார்த்திருந்தனர்.

இந்தத் தொடரின் 2-வது சீசன் டிச.26-ல் வெளியாகும் என நெட்பிளிக்ஸ் அறிவித்துள்ளது. 2-வது சீசனின் டிரெய்லர் வெளியிடப்பட்டுள்ளது. இது இணையத்தில் வரவேற்பைப் பெற்றுள்ளது. இந்தத் தொடரில் லீ யுங் ஜய், வி ஹா- ஜூன், லீ யுங் -ஹன் உட்பட பலர் நடித்துள்ளனர். >>டிரெய்லர் வீடியோ...