930 மில்​லி கிராம்​ தங்​கத்​தில்​ சிதம்​பரம்​ நட​ராஜர்​ தேர்!​

கடலூர்​: சிதம்​பரத்​தைச் சேர்ந்த பொற்​கொல்லர் 930 மில்லி கிராம் தங்கத்​தில் சிறிய வடிவிலான சிதம்​பரம் நடராஜர் கோயில் தேர் செய்​துள்ளார். கடலூர் மாவட்டம் சிதம்​பரம் விஸ்​வநாதன்​ தெரு​வில் வசிப்​பவர் முத்​துக்​குமரன் (40). 9-ம் வகுப்பு வரை படித்​துள்ள இவர் 12 வயதிலிருந்து தங்க நகைகள் செய்து வருகிறார். குறைந்த அளவு தங்கத்​தில் பல்வேறு சிறிய நகை மற்றும் பொருட்களை செய்​து வருகிறார்.

ஏற்கெனவே இவர் 640 மில்லி கிராமில் 1 செ.மீட்டர் உயரத்தில் மெக்கா, மதினா உருவங்கள், அதனுடன் அல்லாஹ் வார்த்தை 10 மில்லி கிராமிலும் செய்​துள்ளார். 2 கிராம் 790 மில்லி தங்கத்​தில் 1.5 இன்ச் நீளம், 1 இன்ச் உயரம் மற்றும் அகலத்​தில் வேளாங்​கண்ணி தேவால​யத்தை செய்​துள்ளார். 630 மில்லி கிராமில் முன்​னாள் முதல்வர் கருணாநி​தி​யின் உருவத்தை 3 செ.மீ உயரம், 3 செ.மீ அகலத்​தி​லும், 99 வயதை குறிக்​கும் வகையில் 99 மில்லி கிராமில் கலைஞர் என்ற வார்த்​தையை​யும் செய்​துள்ளார். இது அனைவ​ராலும் பாராட்​டப்​பட்​டது.

இந்நிலை​யில், நேற்று இவர் 2.5 மில்லி மீட்டர் உயரத்​தில் 930 மில்லி கிராம் தங்கத்​தில் சிதம்​பரம் நடராஜர் கோயில் தேர் செய்​துள்ளார். இந்த தேரில் சொர்ண லிங்​க​மும் உள்ளது. தேர் 900 மில்லி கிராமிலும், சொர்ண லிங்கம் 30 மில்லி கிராமிலும் செய்​யப்​பட்​டுள்​ளது.

இதுகுறித்து பொற்​கொல்லர் முத்​துக்​குமரன் கூறுகை​யில், “சிதம்​பரம் நடராஜர் கோயில் மார்கழி மாத தேரோட்டம் வரும் 12-ம் தேதி​யும், தரிசன விழா 13-ம் தேதி​யும் நடக்க உள்ளது. இதனை எண்​ணி 930 மில்​லி கிராம்​ தங்​கத்​தில்​ சொர்​ண லிங்​கத்​துடன்​ கூடிய தேரை செய்​தேன்​. இந்​த தேர்​ நான்​கு சக்​கரங்​களு​டன்​ இழுத்​துச்​ செல்​லும்​ வகை​யில்​ அமைக்​கப்​பட்​டுள்​ளது” என்​றார்​.தங்கத்தில் செய்யப்பட்ட சிறிய வடிவிலான நடராஜர் கோயில் தேர். (அடுத்த படம்) உள்ளங்கையில் தேருடன் பொற்கொல்லர் முத்துக்குமரன்.