ஈசிஆர் சாலை... உயிர் பயத்தில் வாகன ஓட்டிகள்!

சென்னை: திரு​வான்​மியூர் முதல் ஈஞ்சம்​பாக்கம் வரையிலான ஈசிஆர் சாலை (கிழக்கு கடற்​கரை சாலை) முற்றி​லும் சிதிலமடைந்து aஉயிர் பலி வாங்க காத்​திருப்பதாக வாகன ஓட்டிகள் குற்றம் சாட்டி உள்ளனர். எனவே, பெரிய அளவிலான விபத்து ஏதேனும் நிகழும் முன்னர் இச்சாலையை சீரமைக்க வேண்டும் என்ற கோரிக்கை வலுத்​துள்ளது.

இசிஆர் சாலை​யில் திரு​வான்​மியூர் முதல் அக்கரை வரை 10.5 கிலோ மீட்டர் தூரத்​துக்கு 6 வழிச்​சாலையாக அகலப்​படுத்​தும் பணி முழு வீச்​சில் நடைபெறுகிறது. இதற்கு வசதியாக சாலை​யோரம் இருந்த ஏராளமான வீடு​கள், கடைகள், கட்டிடங்கள் இடித்து அகற்​றப்​பட்​டுள்​ளது. அதோடு சாலை​யோரம் மழை நீர் வடிகால்​வாய், சாலை நடுவே தடுப்பு சுவர்​களும் அமைக்​கப்​பட்டு வருகிறது.

இந்நிலை​யில் திரு​வான்​மியூர், கொட்​டிவாக்​கம், பாலவாக்​கம், நீலாங்​கரை, வெட்டு​வாங்​கேணி, ஈஞ்சம்​பாக்கம் வரையில் கிழக்கு கடற்​கரை சாலை தற்போது முற்றி​லும் சிதிலமடைந்து பல்லாங்​குழி சாலையாக காட்சி அளிக்​கிறது.

இந்த சாலையை தினமும் பல ஆயிரக்​கணக்கான வாகன ஓட்டிகள் பயன்​படுத்து​கின்​றனர். சாலை​யோரம், நடுவில் என அடுத்​தடுத்து சிறிதும், பெரிதுமாக ஏராளமான பள்ளங்கள் பல்வேறு வடிவங்​களில் வாகன ஓட்டிகளை அச்சுறுத்து​கிறது.

வாகன ஓட்டிகள் கவனத்​துடன் ஓட்டி​னால் கூட வாகனங்கள் விபத்​தில் சிக்​கும் நிலை உள்ளது. ஏராளமான பெற்​றோர் தங்கள் பிள்​ளைகளை இச்சாலை வழியாக இருசக்​கரம், ஆட்டோ மற்றும் கார் மூலம் பள்ளி​களுக்கு அழைத்​துச் செல்​கின்​றனர். குறிப்பாக இச்சாலை வழியாக இருசக்கர வாகனத்​தில் செல்​லும் பெற்​றோர் அவ்வப்​போது பள்ளத்​தில் நிலை குலைவதை காண முடிகிறது.

சிலர் சறுக்கி விழுந்து காயம் அடைகின்​றனர். எனவே, பெரிய அசம்​பா​விதம் நிகழும் முன்னர் முன்னெச்​சரிக்கை நடவடிக்கை மேற்​கொண்டு இச்சாலையை சீரமைக்க வேண்​டும் என்ற கோரிக்கை வலுத்​துள்ளது.

இதுகுறித்து இருசக்கர வாகன ஓட்டி குமரேசன் கூறும்​போது, ‘ஈசிஆர் சாலையை தினமும் பயன்​படுத்து​கிறேன். தற்போது சாலை விரிவாக்கம் நடைபெறுவது மகிழ்ச்சி அளிக்​கிறது. இதன்​மூலம் வாகன நெரிசல் குறை​யும். அப்பணி முடியும் வரை புதிய சாலை அமைக்க வாய்ப்பு இல்லை. ஆனால், தற்போது உள்ள சாலை பள்ளங்களில் கட்டிட கழிவு​களையோ, தார் மற்றும் சிமெண்ட் கலவை​களையோ கொட்டி தற்காலிகமாக சீர் செய்யலாம்.

பகல் நேரங்​களில் கூட இந்த சாலையை பயன்​படுத்து​வ​தில் சிரமம் உள்ளது. இரவு நேரத்​தில் இச்சாலையை பயன்​படுத்துவது வாகன ஓட்டிகளுக்கு பாது​காப்பாக இருக்​காது. எனவே, பெரிய அளவிலான ​விபத்து உயிரிழப்பு​கள் ஏற்​படும் ​முன் இசிஆர்​ சாலையில்​ உள்​ள பள்​ளங்​களை சீர்​ செய்​ய வேண்​டும்​’ என்​றார்​.