-
-
-
Loading
இந்தியாவில் பிரசித்தி பெற்ற இண்டிகோ விமான சேவை நிறுவனம், தனது வரலாற்றில் முதல்முறையாக பிசினஸ் கிளாஸ் சேவையை தொடங்க உள்ளது.
முற்றிலும் எகானமி கிளாஸ் இருக்கைகளுடன் மட்டுமே இயங்கும் இண்டிகோ, தனது 18 ஆண்டுகள் நிறைவை முன்னிட்டு பிசினஸ் கிளாஸ் அறிமுகத்தில் குதிக்கிறது. 360க்கும் மேற்பட்ட விமானங்களைக் கொண்டுள்ளதோடு, தினசரி தேசத்தின் குறுக்கும் நெடுக்குமாக சுமார் 2,000 விமானப் பயணங்களை இயக்கும் இண்டிகோ வரலாற்றில் இது முக்கிய நகர்வாகும்.
தேசத்தில் அதிகரித்து வரும் பொருளாதார வளர்ச்சிக்கு மத்தியில், பயணிகளுக்கான கூடுதல் விருப்பங்களை நிறைவு செய்ய இண்டிகோ இந்த அடியெடுப்பை மேற்கொள்கிறாது. வழங்க கேரியர் முயல்கிறது. 18 ஆண்டுகள் நிறைவைக் குறிக்கும் வகையில் அறிமுகமாகும், பிசினஸ் கிளாஸ் சேவை ஆகஸ்டில் அடியெடுக்கிறது.
இந்தியாவின் லாபகரமான விமான சேவை நிறுவனமான இண்டிகோ, 30 பரந்த விமானங்களை வாங்குவதாக கடந்த மாதம் அறிவிப்பு வெளியிட்டதன் மத்தியில் பிசினஸ் கிளாஸ் குறித்தான அதன் அறிவிப்பு கவனம் பெற்றுள்ளது. "இந்தியாவில் வணிக பயணத்தை மறுவரையறை செய்வதற்கான ஒரு அற்புதமான நடவடிக்கையாக இது அமையும். இந்தியாவின் மிகவும் விருப்பத்துக்குரிய விமான நிறுவனமான இண்டிகோ, பிசினஸ் கிளாஸை பெருமையுடன் அறிமுகம் செய்கிறது” என இண்டிகோ நிறுவனத்தின் ஒரு அறிக்கை தெரிவித்துள்ளது.
தங்கள் நிறுவனத்தின் பரிணாம வளர்ச்சியில் அடுத்த படியை எடுக்க வேண்டிய நேரம் இது என்று வலியுறுத்திய இண்டிகோ, இந்தியாவின் எகிறும் பொருளாதாரம் மற்றும் இந்திய சமூகத்தின் வளர்ந்து வரும் அபிலாஷைகளை கருத்தில் கொண்டு, இந்தியாவில் பிரீமியம் பயணத்தை அடுத்த கட்டத்துக்கு கொண்டு செல்ல வேண்டிய நேரம் இது எனவும் பெருமிதம் தெரிவித்துள்ளது.
இதையும் வாசிக்கலாமே...
