-
-
-
Loading
கடந்த சில தினங்களாக விலை ஏற்றத்துடன் விற்பனையான தங்கம் இன்று விலை குறைந்து விற்பனையாவது நகைப்பிரியர்கள் மற்றும் இல்லத்தரசிகள் மத்தியில் மகிழ்ச்சியை ஏற்படுத்தியுள்ளது.
தீபாவளி பண்டிகையை முன்னிட்டு தங்கத்தின் விலை குறைந்து விற்பனையானது. பண்டிகை முடிந்த நிலையில் ஆபரணத் தங்கத்தின் விலை கணிசமாக உயர்ந்து வந்த நிலையில், இன்று சவரனுக்கு ரூ.40 குறைந்துள்ளது.
நேற்று 22 கேரட் ஆபரணத் தங்கத்தின் விலை ஒரு கிராம் 5,740 ரூபாயாகவும், ஒரு சவரன் 45,920 ரூபாயாகவும் விற்பனையானது. இந்த நிலையில், இன்று கிராமுக்கு ரூ.5 குறைந்து ஒரு கிராம் 5,735 ரூபாயாகவும், சவரனுக்கு 40 ரூபாய் குறைந்து ஒரு சவரன் 45,880 ரூபாயாகவும் விற்பனையாகிறது.
அதேபோல 24 கேரட் சுத்த தங்கம் கிராமுக்கு 5 ரூபாய் குறைந்து, 6,205 ரூபாய்க்கும், சவரனுக்கு 40 ரூபாய் குறைந்து, 49,640 ரூபாய்க்கும் விற்பனை செய்யப்பட்டு வருகிறது.
வெள்ளி விலையில் எந்தவிதமான மாற்றமும் இன்றி கிராம் வெள்ளி 79.20 ரூபாய்க்கு விற்பனை செய்யப்படுகிறது. மேலும் ஒரு கிலோ வெள்ளி 79,200 ரூபாய்க்கும் விற்பனை செய்யப்படுகிறது. சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நாள்தோறும் நிர்ணயம் செய்யப்படுகிறது. இதன் காரணமாகவே தங்கத்தின் விலையில் மாற்றம் ஏற்பட்டுள்ளதாக கூறப்படுகிறது.
வரும் நாட்களில் தங்கத்தின் விலையில் பெரிய அளவில் எந்தவிதமான மாற்றமும் இருக்காது என பொருளாதார நிபுணர்கள் தெரிவிக்கின்றனர்.
