கிடுகிடுவெனக் குறையும் தங்கம் விலை...இல்லத்தரசிகள் மகிழ்ச்சி!

காமதேனு
01 Nov, 2023 10:08 AM

ஆபரணத்தங்கத்தின் விலை கடந்த சில தினங்களாக அதிரடியாக உயர்ந்து வந்த நிலையில் இன்று சவரனுக்கு 232 ரூபாய் குறைந்துள்ளது நகைப்பிரியர்கள் மற்றும் இல்லத்தரசிகள் மத்தியில் மகிழ்ச்சியை ஏற்படுத்தியுள்ளது.

நேற்று 22 கேரட் ஆபரணத் தங்கத்தின் விலை ஒரு கிராம் 5,715 ரூபாயாகவும், ஒரு சவரன் 45,720 ரூபாயாகவும் விற்பனையான நிலையில், இன்று கிராமுக்கு ரூ.29 குறைந்து ஒரு கிராம் 5,686 ரூபாயாகவும், சவரனுக்கு 232 ரூபாய் குறைந்து ஒரு சவரன் 45,488 ரூபாயாக விற்பனையாகிறது.

அதே போல 24 கேரட் சுத்த தங்கம் கிராமுக்கு 29 ரூபாய் குறைந்து, 6,156 ரூபாய்க்கும், சவரனுக்கு 232 ரூபாய் குறைந்து, 49,248 ரூபாய்க்கு விற்பனை செய்யப்பட்டு வருகிறது.