தங்கம் விலை சரிவு... மகிழ்ச்சியில் இல்லத்தரசிகள்

கடந்த சில தினங்களாக கிடுகிடுவென உயர்ந்த தங்கத்தின் விலை இன்று சவரனுக்கு ரூ.160 குறைந்துள்ளது. இதனால் நகைப்பிரியர்கள் மற்றும் இல்லத்தரசிகள் மத்தியில் மகிழ்ச்சியை ஏற்படுத்தியுள்ளது.

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நாள்தோறும் நிர்ணயம் செய்யப்படுகிறது. அதன்படி, தங்கம் விலை கடந்த சில மாதங்களாக ஏற்ற இறக்கத்துடன் இருந்து வரும் நிலையில் இன்று ஆபரணத்தங்கம் சவரனுக்கு ரூ.160 குறைந்துள்ளது.

நேற்று 22 கேரட் ஆபரணத் தங்கத்தின் விலை ஒரு கிராம் 5,675 ரூபாய் ஆகவும், ஒரு சவரன் 45,400ரூபாய் ஆகவும் விற்பனையான நிலையில், இன்று கிராமுக்கு ரூ.20 குறைந்து ஒரு கிராம் 5,655 ரூபாய் ஆகவும், சவரனுக்கு 160 ரூபாய் குறைந்து ஒரு சவரன் 45,240 ரூபாய் ஆக விற்பனையாகிறது.

அதே போல 24 கேரட் சுத்த தங்கம் கிராமுக்கு 20 ரூபாய் குறைந்து, 6,125 ரூபாய்க்கும், சவரனுக்கு 160 ரூபாய் குறைந்து, 49,000 ரூபாய்க்கு விற்பனை செய்யப்பட்டு வருகிறது.

வெள்ளி கிராமுக்கு 50 காசுகள் குறைந்து, 77.50 ரூபாய்க்கும், ஒரு கிலோ வெள்ளி 500 ரூபாய் குறைந்து 77,500 ரூபாய்க்கும் விற்பனையாகிறது.