இல்லத்தரசிகளுக்கு குட் நியூஸ்... தங்கம் விலை குறைந்தது!

காமதேனு
08 Jan, 2024 10:02 AM

கடந்த இரண்டு நாட்களாக எந்தவிதமான விலை மாற்றமும் இன்றி விற்பனையான தங்கம் இன்று சவரனுக்கு ரூ.160 குறைந்து விற்பனையாவது நகைப்பிரியர்கள் மற்றும் இல்லத்தரசிகள் மத்தியில் மகிழ்ச்சியை ஏற்படுத்தியுள்ளது.

தங்கம் நேற்று ஒரு கிராம் 5,850 ரூபாய்க்கும், ஒரு சவரன் 46,800 ரூபாய்க்கும் விற்பனை செய்யப்பட்ட நிலையில் இன்று தங்கத்தின் விலை மேலும் குறைந்துள்ளது.

22 கேரட் ஆபரணத் தங்கத்தின் விலை கிராமுக்கு 20 ரூபாய் குறைந்து ஒரு கிராம் 5,830 ரூபாயாகவும், சவரனுக்கு 160 ரூபாய் குறைந்து ஒரு சவரன் 46,640 ரூபாயாகவும் விற்பனை செய்யப்பட்டு வருகிறது.

அதே சமயம் 24 கேரட் சுத்த தங்கம், கிராமுக்கு 20 ரூபாய் குறைந்து, 6,300 ரூபாய்க்கும், சவரனுக்கு 160 ரூபாய் குறைந்து, 50,400 ரூபாய்க்கு விற்பனையாகிறது.