8 மாநிலங்களின் உதய தினம்: பிரதமர் நரேந்திர மோடி வாழ்த்து

புதுடெல்லி: எட்டு மாநிலங்கள், 5 யூனியன் பிரதேசங்களின் உதய தினம் நேற்று கொண்டாடப்பட்டது. அந்த மாநிலங்களுக்கு பிரதமர் நரேந்திர மோடி வாழ்த்துகளை தெரிவித்தார்.

கடந்த 1956-ம் ஆண்டு நவம்பர் 1-ம் தேதி தமிழ்நாடு, ஆந்திரா, கர்நாடகா, கேரளா, மத்திய பிரதேசம், சத்தீஸ்கர், பஞ்சாப், ஹரியானா ஆகிய 8 மாநிலங்கள் உதயமாகின. அன்றைய தினம் அந்தமான்-நிகோபர் தீவு, சண்டிகர், டெல்லி, லட்சத்தீவு, புதுச்சேரி ஆகிய 5 யூனியன் பிரதேசங்களும் உருவாக்கப்பட்டன.

இந்த 8 மாநிலங்கள் மற்றும் 5 யூனியன் பிரதேசங்கின் உதய தினம் நேற்று கோலாகலமாக கொண்டாடப்பட்டது. இதையொட்டி பிரதமர் நரேந்திர மோடி சமூக வலைதளம் மூலம் சம்பந்தப்பட்ட மாநிலங்களுக்கு வாழ்த்துகளை தெரிவித்துள்ளார்.