40,000 ரயில் பெட்டிகள் வந்தே பாரத் தரத்துக்கு உயர்த்தப்படும்: பட்ஜெட்டில் நிதி அமைச்சர் அறிவிப்பு!

40 ஆயிரம் ரயில் பெட்டிகள் வந்தே பாரத் தரத்துக்கு உயர்த்தப்படும் என்று பட்ஜெட்டில் மத்திய நிதி அமைச்சர் நிர்மலா சீதாராமன் அறிவித்தார்.

மத்திய அரசின் 2024-25-ம் நிதி ஆண்டுக்கான இடைக்கால பட்ஜெட்டை நாடாளுமன்றத்தில் இன்று நிதி அமைச்சர் நிர்மலா சீதாராமன் தாக்கல் செய்து பேசினார்.

அப்போது அவர் பேசுகையில், "பல்வேறு பயிர்களில் நானோ டிஏபி பயன்பாடு வேளாண் காலநிலை மண்டலங்களில் விரிவுபடுத்தப்படும். பாதுகாப்புத் துறைக்கான தொழில்நுட்பத்தை வலுப்படுத்த புதிய திட்டம் தொடங்கப்படும். அறுவடைக்குப் பிந்தைய விவசாய நடவடிக்கைகளில் பொது மற்றும் தனியார் முதலீட்டை ஊக்குவிக்க அரசு சிமென்ட் உள்பட மூன்று பெரிய ரயில் வழித்தடங்கள் கட்டப்பட உள்ளன.

2024-25ம் நிதி ஆண்டுக்கான மூலதன செலவினம் 11 சதவீதமாக அதிகரித்து 11.11 லட்சம் கோடி ரூபாய் அல்லது மொத்த உள்நாட்டு உற்பத்தியில் 3.4 சதவீதமாக இருக்கும்.

40 ஆயிரம் சாதாரண ரயில் பெட்டிகள் வந்தே பாரத் தரத்துக்கு மாற்றப்படும். இந்திய விமான நிறுவனங்கள் ஆயிரம் புதிய விமானங்களுக்கு முன்கூட்டியே ஆர்டர்களை வழங்கின. ஒரு ஜிகாவாட் கடலோர காற்றாலை ஆற்றலுக்கு சாத்தியக்கூறு இடைவெளி நிதி வழங்கப்படும்.

கடந்த 4 ஆண்டுகளில் மூலதனச் செலவை மூன்று மடங்காக உயர்த்தியதன் விளைவாக பொருளாதார வளர்ச்சி மற்றும் வேலைவாய்ப்பு உருவாக்கத்தில் பல மடங்கு மாற்றம் ஏற்பட்டது. சார்ஜிங் உள்கட்டமைப்பை மேம்படுத்துவது உள்ளிட்ட மின்சார வாகன சுற்றுச்சூழல் அமைப்பை அரசு விரிவுபடுத்தும். பொதுப் போக்குவரத்து நெட்வொர்க்கிற்கான மின் பேருந்துகள் ஊக்குவிக்கப்படும்" என்றார்.

இதையும் வாசிக்கலாமே...

பால ராமரை தரிசிக்க அயோத்திக்கு 6 நாட்கள் பாதயாத்திரை... 350 இஸ்லாமியர்கள் பங்கேற்பு!

அமைதிக்கான நோபல் பரிசு... 4வது முறையாக டொனால்ட் டிரம்ப் பெயர் பரிந்துரை!

அதிர்ச்சி... வணிக பயன்பாட்டிற்கான எரிவாயு சிலிண்டர் விலை அதிரடியாக உயர்வு!

உஷார்...அடுத்த 3 மணி நேரத்தில் 3 மாவட்டங்களில் மழைக்கு வாய்ப்பு!

இன்று முதல் சலுகைக் கட்டணத்தில் பயணம்...புதிய வசதியுடன் கிளாம்பாக்கம் பேருந்து முனையம்!