ஆசியாவில் மிகப்பெரிய ஆழமற்ற கடல் அலை படுகை ஆராய்ச்சி மையம்: சென்னை அருகே தொடங்கியது ஐஐடி

சென்னை: இந்திய ஆராய்ச்சி மற்றும் தொழில்​துறை​யின் தேவை​களைப் பூர்த்தி செய்​யும் வகையில் ஆசியா​விலேயே மிகப்​பெரிய ஆழமற்ற கடல்​அலைப் படுகை ஆராய்ச்சி மையத்தை ஐஐடி தொடங்​கி​யுள்​ளது.

இதுதொடர்பாக சென்னை ஐஐடி வெளி​யிட்ட செய்திக்​குறிப்​பு:சென்னை அருகே​யுள்ள தையூரில் அமைந்​துள்ள ‘டிஸ்​கவரி’ செயற்​கைக்​கோள் வளாகத்​தில் ஆழமற்ற கடல்அலை படுகைஆராய்ச்சி மையத்தை ஐஐடி அமைத்​துள்ளது. இது, ஆசியாவி லேயே மிகப்​பெரிய ஆராய்ச்சி மையம் ஆகும். இங்கு, துறை​முகங்​கள், நீர்​வழிப்​பாதைகள், கடல்​சார் பொறி​யியல் போன்ற​வற்றில் உள்ள சவாலான பல்வேறு பிரச்​சினை​களுக்​குத் தீர்​வு​காணுவதற்கான சிறப்பு வசதிகள் உள்ளன.

மேலும் துறை​முகங்​கள், இந்திய உள்நாட்டு நீர்​வழிப் போக்கு​வரத்து ஆணையம் உள்ளிட்ட இதர கல்வி நிறு​வனங்​களுக்​குத் தேவைப்​படும் தொழில்​நுட்​பங்​களை​யும் இது வழங்​கும். துறை​முகங்​கள், நீர்​வழிப்​பாதைகள், கடலோர பகுதி​களுக்கான தேசிய தொழில்​நுட்ப மையத்​தின் மூலம் நிறு​வப்​பட்​டுள்ள இந்த ஆராய்ச்சி மையம், மத்திய கப்பல் போக்கு​வரத்து அமைச்​சகத்​தின் தொழில்​நுட்பப் பிரிவாகச் செயல்​படும். இவ்வாறு அதில் கூறப்​பட்​டுள்​ளது.

இதுகுறித்து ஐஐடி பெருங்​கடல் பொறி​யியல் துறை பேராசிரியர் முரளி கூறும்போது, ‘‘இந்த ஆராய்ச்சி மையத்​தின் வாயிலாக சென்னை ஐஐடி சர்வதேச அளவில் செயல்​படும் கல்வி நிறு​வனங்​களில் ஒன்றாக மாறும்.

இதன்​மூலம், ஆராய்ச்சி- தொழில் பயன்​பாடு​களுக்கான ஆழமற்ற கடல்​அலைப் படுகை ஆய்வகத்​தில் அலைகளை உருவாக்க பிறநாடு​களின் தொழில்​நுட்​பத்தை நாம் சார்ந்​திருக்க தேவையில்லை”என்றார். பேராசிரியர் வி.ராம் கூறும்​போது, “இந்திய துறை​முகங்​கள்,கடல்​சார் பொறி​யியல், உள்நாட்டு நீர்​வழித் திட்​டங்கள் என மத்திய அரசின் எ​திர்கால ​முன்​முயற்சிகளை கருத்​தில் ​கொண்டு ஆராய்ச்​சிக் கூடம் உரு​வாக்​கப்​பட்​டுள்​ளது” என்றார்.