அரை​யாண்டு விடு​முறை முடிந்து பள்ளிகள் மீண்டும் திறப்பு: 3-ம் பருவத்​துக்கான பாடநூல்கள் விநி​யோகம்

சென்னை: அரையாண்டு விடு​முறை முடிந்து பள்ளிகள் திறக்​கப்​பட்ட சூழலில் 1 முதல் 7-ம் வகுப்பு மாணவர்​களுக்கு முதல் நாளி​லேயே 3-ம் பருவத்​துக்கான பாடநூல்கள் விநி​யோகிக்​கப்​பட்டன. தமிழக பள்ளிக் கல்வி பாடத்​திட்​டத்​தின் கீழ் செயல்​படும் பள்ளி​களுக்கு அரையாண்டு மற்றும் 2-ம் பருவத் தேர்​வுகள் கடந்த டிசம்பர் 9 முதல் 23-ம் தேதி வரை நடைபெற்​றது.

கனமழை காரணமாக கடலூர், திரு​வண்ணாமலை மற்றும் விழுப்புரம் ஆகிய மாவட்​டங்களை தவிர்த்து மற்ற பகுதி​களில் தேர்​வுகள் முழு​வதுமாக நடத்தி முடிக்​கப்​பட்​டது. இதையடுத்து, டிசம்பர் 24-ம் தேதி தொடங்கி நேற்று முன்​தினம் வரை மாணவர்​களுக்கு தொடர் விடு​முறை வழங்​கப்​பட்​டது.

இந்நிலை​யில், விடு​முறை முடிந்து தமிழகம் முழு​வதும் பள்ளிகள் நேற்று திறக்​கப்​பட்டன. மாணவர்​கள், ஆசிரியர்கள் மகிழ்ச்​சி​யுடன் பள்ளிக்கு வருகை புரிந்​தனர். சில பள்ளி​களில் புதிதாக பிறந்​துள்ள புத்​தாண்டை முன்னிட்டு சிறப்பு நிகழ்ச்​சிகளும் நடத்​தப்​பட்டன. முதல் நாளில் 1 முதல் 7-ம் வகுப்பு வரையான மாணவர்​களுக்கு மூன்​றாம் பருவத்​துக்கான பாடப் புத்​த​கங்​களும், நோட்டுப் புத்​தகங்​களும் வழங்​கப்​பட்டன.

சென்னை எழும்​பூர் மாநில மகளிர் அரசு மேல்​நிலைப் பள்ளி​யில் ஆய்வு செய்த பள்ளிக்​கல்​வித் துறை இயக்​குநர் ச.கண்​ணப்பன் மாணவி​களுக்கான பாடநூல்களை வழங்​கினார். இதற்​கிடையே, கனமழை பாதிப்​புக்​குள்ளான கடலூர் உட்பட 3 மாவட்​டங்​களில் மாணவர்​களுக்கு அரையாண்​டுத் தேர்​வுகள் மாவட்ட அளவில் நேற்று தொடங்​கின. இந்த தேர்வு ஜனவரி 10-ம் தேதி வரை தொடர்ந்து நடத்​தப்பட உள்ளது.

இதற்கான ஏற்பாடுகளை அந்தந்த மாவட்ட முதன்​மைக்​கல்வி அலுவல​கங்கள் மூலம் மேற்​கொள்​ளப்​பட்​டுள்ளன. மேலும், மாணவர்​களுக்கு தேவையான பாடநூல்​கள், சீருடைகள் ​போன்ற நலத்​திட்​டப் பொருட்​கள் வழங்​கும் பணி​களும் தொடங்​கப்​பட்​டுள்ளதாக துறை அதிகாரி​கள்​ தகவல் தெரிவித்தனர்.