தட்டச்சு, சுருக்​கெழுத்து தேர்​வு​களுக்கு ஜனவரி 17-ம் தேதி வரை விண்​ணப்​பிக்​கலாம்

சென்னை: மாநில தொழில்​நுட்ப கல்வி ஆணையரும், தொழில்​நுட்பத் தேர்​வுகள் வாரி​யத்​தின் தலைவருமான டி.ஆபிர​காம் வெளி​யிட்​டுள்ள அறிவிப்​பில் கூறி​யிருப்​ப​தாவது: சுருக்​கெழுத்து அதிவேக (ஹை ஸ்பீடு) தேர்வு பிப்​ரவரி 15, 16-ம் தேதி​களி​லும், சுருக்​கெழுத்து இளநிலை, இடைநிலை முது​நிலை தேர்​வுகள் பிப்​ரவரி 22, 23-ம் தேதி​களி​லும், கணக்​கியல் இளநிலை, முது​நிலை தேர்​வுகள் பிப்​ரவரி 24-ம் தேதி​யும், தட்டச்சு இளநிலை, முது​நிலை அதிவேக தேர்​வுகள் மார்ச் 1, 2-ம் தேதி​களி​லும் நடைபெற உள்ளன.

இந்த தேர்​வு​களுக்கான ஆன்லைன் விண்​ணப்பப் பதிவு டிசம்பர் 16-ம் தேதி (நேற்று) தொடங்​கி​யுள்​ளது. விண்​ணப்​ப​தா​ரர்கள் www.tndtegteonline.in என்ற இணையதளத்தை பயன்​படுத்தி ஆன்லைனில் விண்​ணப்​பிக்​கலாம். விண்​ணப்​பிக்க கடைசி நாள் ஜனவரி 17-ம் தேதி ஆகும். அதன்​பிறகு ஜனவரி 19-ம் தேதி வரை அபராத கட்டணம் செலுத்தி விண்​ணப்​பிக்​கலாம். விண்​ணப்​பத்​தில் ஜனவரி 19 முதல் 21-ம் தேதிக்​குள் திருத்தம் செய்​து​கொள்​ளலாம். தேர்வு ​முடிவு​கள் மே 6-ம் தேதி வெளி​யிடப்​படும். இவ்​வாறு அவர் கூறியுள்ளார்​.