தங்கச்சிமடம் அரசு தொடக்கப் பள்ளியில் உணவு அருந்தும் கூடம் திறப்பு

ராமேசுவரம்: ராமேசுவரம் அருகே தங்கச்சிமடத்தில் உள்ள ஊராட்சி ஒன்றிய தொடக்கப் பள்ளியில் 300 மாணவ - மாணவியர் படித்து வருகின்றனர். இதில் மாணவர்கள் அமர்ந்து சாப்பிடுவதற்கு இடவசதி இல்லாமல் இருந்தது.

பள்ளியின் மேலாண்மைக் குழு, ஆசிரியர்கள் முயற்சியில் முன்னாள் மாணவர்கள், தங்கச்சிமடம், பாம்பன் பகுதியைச் சேர்ந்த தன்னார்வலர்களிடம் நிதி சேகரிக்கப்பட்டு உணவு அருந்தும் கூடம் கட்டப்பட்டது. இந்த உணவு அருந்தும் கூடத்தின் திறப்பு விழா இன்று நடைபெற்றது.

இவ்விழாவிற்கு பள்ளியின் மேலாண்மை குழுத் தலைவர் ஜோஸ்டின் காணிக்கை தலைமை வகித்தார். பள்ளியின் தலைமை ஆசிரியர் செல்லமீனா உணவு அருந்தும் கூடத்தை திறந்து வைத்தார். ஆசிரியர்கள், பள்ளி மேலாண்மைக் குழு உறுப்பினர்கள், பெற்றோர்கள் நிகழ்வில் கலந்து கொண்டனர்.