உதகையில் ஏரோபிக் ஜிம்னாஸ்டிக்ஸ், மலையேறும் திறன்களை வெளிப்படுத்திய பள்ளி மாணவர்கள்

உதகை: உதகையில் உள்ள பள்ளியில் ஏரோபிக் ஜிம்னாஸ்டிக்ஸ், மலையேறும் திறன்களை மாணவர்கள் வெளிப்படுத்தி பார்வையாளர்களை பரவசமடைய செய்தனர்.

நீலகிரி மாவட்டம் உதகை பாலாடாயில் உள்ள குட் ஷெப்பர்ட் இன்டர்நேஷனல் பள்ளியின் 48-வது நிறுவனர் தினக்கொண்டாட்டங்கள் நடைபெற்றன. இண்டியா டெக் ஆர்க் தலைமை நிர்வாக அதிகாரி ரமேஷ் கைலாசம் சிறப்பு விருந்தினராக கலந்து கொண்டார். ரஞ்சனி ரமேஷ் மாணவர்களுக்கு கோப்பைகள் மற்றும் பரிசுகளை வழங்கினார்.

குட் ஷெப்பர்ட் இன்டர்நேஷனல் பள்ளி மாணவர்களின் அணிவகுப்பு, பேண்ட் கண்காட்சி, டிரம்ஸ் அழைப்பு, நடன விளக்கக்காட்சி, ஏரோபிக் ஜிம்னாஸ்டிக்ஸ், மலையேறும் திறன்களை வெளிப்படுத்துதல், குதிரையேற்றம் காட்சி ஆகியவை குட் ஷெப்பர்ட் சர்வதேச பள்ளி மாணவர்களால் நிகழ்த்தப்பட்டன.

இணை நிறுவனர் எல்சம்மா தாமஸ், தலைவர் ஜேக்கப் தாமஸ் மற்றும் மூத்த துணைத் தலைவர் சாரா ஜேக்கப் ஆகியோர் இந்த நிகழ்ச்சியில் கலந்து கொண்டனர். இந்நிகழ்வில் முக்கிய பிரமுகர்கள், பழைய மாணவர்கள், பெற்றோர்கள், பாதுகாவலர்கள் என பலரும் கலந்து கொண்டனர்.