அம்பத்​தூர் சாலைகளில் சென்ற 5 பேர் மீது பட்டாக்கத்தி தாக்குதல்: ரவுடி உட்பட 3 பேர் கைது

ஆவடி: அம்பத்​தூர் பகுதி​யில் சாலைகளில் சென்ற 5 பேர் மீது தாக்​குதல் நடத்​தியது தொடர்பாக ரவுடி உட்பட 3 பேரை நேற்று போலீ​ஸார் கைது செய்​தனர். சென்னை- அம்பத்​தூர் தொழிற்​பேட்டை, மேனாம்​பேடு பகுதி​களில் நேற்று முன் தினம் இரவு மோட்​டார் சைக்​கிளில் மதுபோதை​யில் 3 இளைஞர்கள் பட்டாக்​கத்​தியை சாலை​யில் தேய்த்​தவாறு பொது​மக்களை மிரட்டி சென்​றனர். மேலும், சாலைகளில் நடந்து சென்ற 5 பேரை கத்தி​யால் தாக்​கி​விட்டு, தப்பியோடினர்.

இதில் படுகாயமடைந்த திரு​வாலங்​காடு பகுதி​யைச் சேர்ந்த நவீன் (20), பாடியைச் சேர்ந்த கார் ஓட்டுநரான அசன் மைதீன் (35), அம்பத்​தூர் பகுதி​யைச் சேர்ந்த தனசேகரன் (47), வட மாநிலத்​தைச் சேர்ந்த மகேந்​திரகு​மார் (35), தீபக் (27) ஆகிய 5 பேர் படுகாயமடைந்​தனர்.

இதுகுறித்து, தகவலறிந்த அம்பத்​தூர் தொழிற்​பேட்டை போலீ​ஸார் சம்பவ இடங்​களுக்கு விரைந்து, படுகாயமடைந்த 5 பேரை மீட்டு சிகிச்​சைக்காக சென்னை, கீழ்ப்​பாக்கம் அரசு மருத்​துவக் கல்லூரி மருத்​துவ​மனைக்கு அனுப்பி வைத்​தனர். அங்கு நவீன், அசன் மைதீன் உள்ளிட்ட 5 பேரும் தீவிர சிகிச்சை பெற்று வருகின்​றனர்.

தொடர்ந்து வழக்​குப் பதிவு செய்த போலீ​ஸார், மேனாம்​பேடு உள்ளிட்ட பகுதி​களில் உள்ள கண்காணிப்பு கேமராக்​களில் பதிவான காட்​சிகளை ஆய்வு செய்து, தாக்​குதல் சம்பவங்​களில் ஈடுபட்​டோரை தேடி வந்தனர். இந்நிலை​யில், 5 பேர் மீது தாக்​குதல் நடத்​தியது தொடர்பாக அம்பத்​தூர் தொழிற்​பேட்டை, மங்களபுரம், நல்ல​கிணறு தெரு​வைச் சேர்ந்த ரவுடி நித்​தி​ய​வேல் (20), மண்ணூர்​பேட்டை, பிள்​ளை​யார் கோயில், மலையத்​தம்​மன் கோ​யில் தெருக்களை சேர்ந்த லோகேஷ் (18), மணி​கண்​டன் (22) ஆகிய 3 பேரை நேற்று ​போலீஸார் கைது செய்தனர்.